Shqipëria përshëndet marrëveshjen Greqi-Maqedoni: Historike! Shkupi në NATO

Shqipëria ka përshëndetur miratimin e marrëveshjes me Maqedoninë edhe në parlamentin grek. Për Presidentin Meta, miratimin i marrëveshjes është një lajm i shkëlqyer. “Miratimi i Marrëveshjes së Prespës edhe nga Parlamenti grek është një lajm i shkëlqyer për marrëdhëniet dypalëshe me Maqedoninë e Veriut dhe për perspektivën europiane dhe euro-atlantike të rajonit tonë! Përgëzime për këtë arritje historike”  shprehet kreu i shtetit.

Kryeministri Rama thotë se marrëveshja mes dy vendeve është historike. “Sërish respekte dhe urime për Alexis Tsipras dhe Zoran Zaev për marrëveshjen e tyre historike dhe dhënien fund të konfliktit mes Greqisë dhe Maqedonisë së Veriut. Ishte e vështirë dhe do të prodhojë ende politikë të vjetër lokale por është realizuar shumë mirë miqtë e mi”.

Lideri i opozitës shqiptare Lulzim Basha deklaron se tashmë i hapet rruga anëtarësimit në NATO të Maqedonisë së Veriut. “Përshendës ratifikimin e marrëveshjes së Prespës nga parlamenti helen që i hap rrugën anëtarësimit në NATO të Maqedonisë së Veriut dhe konsolidon bazat e bashkëpunimit për paqen dhe stabilitetin e rajonit”.

Lajmi kryesor:

Greqi, parlamenti ratifikon me 153 vota "pro" Marrëveshjen e Prespës për emrin e Maqedonisë

TAG:
• greqi
• maqedoni
• Parlamenti grek
• marreveshja e prespes