Shqipëria pjesë e 'Gjermani 2024', katër ndeshjet e turpit në Kampionatin Evropian

Kombëtarja shqiptare e futbollit për herë të dytë në histori do jetë pjesë e finaleve të Kampionatit Evropian. Pas "Francë 2016", ai i Gjermanisë do jetë i radhës për kuqezinjtë që do kërkojnë suksesin në Grupin B me rival emra si Spanja, Italia dhe Kroacia.

Megjithë shkëlqimin e këtij turneu, në vite jo të gjitha ndeshjet kanë sjellë një klimë pozitive, duke mos munguar as telashet, rastet e diskutueshme dhe çuditë në fushë.

Spanja vs BRSS (Euro 1960)

Spanja ishte një nga favoritët për të fituar Euro 1960, por diktatori i tyre fashist i krahut të djathtë Franciso Franco kishte ide të tjera.

Kur kombi i tij gjeti BRSS-në komuniste në çerekfinale, ai vendosi braktisjen e ndeshjen për shkak të frikës se një disfatë do t'i bënte njerëzit të besonin se ideologjia e tij politike ishte inferiore.

Si rezultat, kjo ndeshje nuk u zhvillua kurrë, me BRSS që iu dha kalimi në fazën gjysmëfinale pa pasur nevojë të mposhtte Spanjën në fushë.

Holanda 2-1 Gjermania Perëndimore (Euro 1988)

Pas një fitoreje të madhe 2-1 në gjysmëfinale kundër Gjermanisë Perëndimore në Euro 1988, ylli holandez Ronald Koeman ndërroi fanellën me një kundërshtar, me situatën që deri në këtë pikë ishte e padëmshme.

Megjithatë Koeman vazhdoi të fshinte të pasmet e tij me fanellën e Gjermanisë direkt në TV, gjë që i shtoi më shumë 'zjarrin' një rivaliteti tashmë të ndezur dhe e bëri Koeman armikun publik numër një në Gjermani.

Dy vjet më vonë, në Kupën e Botës 1990, Frank Rijkaard pështyu Rudi Voller ndërsa rivaliteti vazhdonte.

Suedi 2-2 Danimarkë (Euro 2004)

Duke luajtur në ndeshjen e fundit të fazës së grupeve në Euro 2004, Italia duhej të mposhtte Bullgarinë dhe të shpresonte për ndonjë rezultat më ndryshe se barazimi në ndeshjen midis Suedisë dhe Danimarkës.

Skuadra e Giovanni Trapattonit fitoi ndeshjen e fundit të grupit 2-1, por Suedia dhe Danimarka luajtën një barazim 2-2, që do të thotë se të dyja u kualifikuan në fazën eliminatore në dëm të Italisë.

Shumë tifozë, përfshirë edhe ekipin e Italisë, vunë në dyshim vlefshmërinë e rezultatit, me idenë e trukimit të ndeshjeve të ngritur si një mundësi. Ndërsa asgjë nuk doli nga një hetim i mëvonshëm, ajo mbetet një nga ndeshjet më të diskutueshme të Kampionatit Evropian, e cila ka marrë edhe nofkën "biskota".

Angli 1-1 Itali (Euro 2020)

Veprimet në fushë gjatë finales së Euro 2020 nuk ishte veçanërisht të diskutueshme, por skenat para ndeshjes në Wembley sigurisht që ishin.

Mijëra tifozë të Anglisë pa biletë u përpoqën të thyenin sigurinë e 'Wembley' dhe të shikonin ndeshjen, me një vendim që dënonte kaosin si një "turp kombëtar".

Njësitë e policisë u tronditën nga numri i madh i tifozëve që përpiqeshin të hynin në stadium dhe akti i huliganizmit ishte një ditë e zezë në historinë e futbollit anglez.

S.DH/Shqiptarja.com

TAG:
• uefa
• euro 2024