POP 5

Lajmet më të lexuara të 5 minutave të fundit

Kronikë

Shqipëria po tkurret, rënie e lartë e popullsisë me 0.6% në 2020! Ulet edhe numri i emigrantëve për shkak të mbylljes së kufijve

Rritja e vdekjeve si pasojë e pandemisë si dhe ulja e lindshmërisë ka bërë që popullsia e vendit gjatë vitit 2020 të tkurret me mbi 16 mijë banorë. Sipas të dhënave të INSTAT vitin e kaluar është regjistruar edhe shtesa më e ulët natyrore që prej vitit 1990 me një rritje prej vetëm 470 persona. Tkurrja më e madhe e popullsisë është regjistruar në Gjirokastër, Berat dhe Dibër.

Popullsia e vendit është tkurrur me 0.6% gjatë vitit 2020 krahasuar me 2019. E përkthyer në shifra sipas INSTAT në vitin që shkoi numri i popullsisë ishte 2,829,741 banorë ose mbi 16 mijë persona më pak se viti paraardhës.

Shifra e popullsisë së vendit është më e ulta që prej vitit 2001 kur janë edhe raportimet e para të INSTAT. Shkak për këtë rënie është edhe pandemia COVID-19, që rriti me 25.8% vdekjet dhe nga ana tjetër ranë me 1.7% lindjet.

Viti i pandemisë do të mbahet mend edhe për periudhën që ka pasur shtesën më të ulët natyrore që prej vitit 1990, me vetëm 470 banorë më shumë sesa vdekje. Konkretisht në 12 muajt e 2020 janë regjistruar 27.605 vdekje, ndërsa kanë lindur 28.075 foshnja.

Sipas raportit, në 10 qarqe të vendit është shënuar rënie e popullsisë, përjashtuar Tiranën dhe Durrësin ku popullsia është rritur përkatësisht me 0.7% dhe 0.5%. Gjirokastra Berati dhe Dibra po shkojnë drejt shpopullimit, për shkak të numrit të ulët të banorëve dhe shtesës natyrore.

Por gjithashtu të dhënat flasin edhe për plakje të popullsisë, pasi mosha mesatare në 1 janar ishte 37,6 vjeç nga 37,2 vjeç që ishte më 1 janar 2020.

Edhe pse me kufij të mbyllur si pasojë e virusit, shqiptarët kanë vijuar të largohen. Në 2020 janë larguar nga vendi në total 23.854 persona me një rënie prej 45,6 % krahasuar me vitin 2019.

 

POPULLSIA E SHQIPËRISË

Viti 2020        2,829,741

Viti 2019        2,845,955

Diferenca          -16,214

 

SHTESA NATYRORE NË 2020

Lindje   28.075 foshnja

Vdekje   27.605 persona

Shtesa natyrore 470 banor

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja