Nga Bjeshkët e Namuna, në Valbonë, në Theth, në Lepushë, në Bunë, Liqeni i Shkodrës, Shirokë, Velipojë, Rana e Hedhun, Mrizi i Zanave, Dibër, Pukë, Kepi i Rodonit, Shëngjergj, Dajt, Gjinar, Divjakë, Belsh, Librazhd, Berat, Gramsh, Vlorë, Seman, Korçë, Ohër, Prespë, Skrapar, Përmet, Gjirokastër, Nivicë, Sarandë, Butrint, Borsh, Himarë, Konispol.
Më në fund gjithë Shqipëria ka marrë në krahë shqiptarët e po i përmirëson. Kjo verë koronavirusi shpërndau bashkëatdhetarët në çdo cep: nga përkëdheljet e lumit të Shalës, në paqen e Komanit, nga dallgët e Adriatikut te freskia e thellësia e detit Jon me mundim e përkushtim natyra jonë e mrekullueshme po vepron. Kush nuk postoi këto muaj foto si të ishin bërë nga fotografët më të mirë të National Geographic? Një evolucion cilësor është i dukshëm vetëm me një shikim sipërfaqësor: Nga bombardimet me foto tavolinash nëpër klube, restorante e kafene, nga fotot me pjata me lloj lloj mishrash e trahanarash, me birra e raki, te e bukura e natyrës dhe fisnikëria e saj. Nga tavolina me 20 burra që pinin e hanin bashkë, në fotot me familje, burrë, grua, fëmijë e shoqëri në shijim të bukurive magjike që vendi ynë ruan e shpalos për këdo. Duket si një gjë e lehtë dhe e pavlerë, por jo. Besoj se dielli, uji, ajri, gjelbërimi do të nisin të pasveprojnë. Gjithë këta elementë do të lëshojnë si pika të çmuara ilaçin e shërimit edhe për popullin tonë. Shqipëria me durim ka marrë në krahët e vet bijtë e saj të humbur fjalëve dhe veseve, urrejtjes dhe thashethemeve, dembelizmit dhe inateve dhe do t’i zbukurojë. Së pari do t’u japë sytë të shohin të bukurën, pastaj do ta bëjë të bukurën, të pastrën, të freskëtën, të mirën të zërë vend të secili shqiptar. Dihet, me ndonjë ka shumë punë të madhe dhe të gjatë për të bërë, të ndonjë tjetër nuk do të mundë të arrijë të ndryshojë gjë, por te shumica, te shumica e shqiptarëve, vendi ynë i vogël, por i pasur me më të bukurat e natyrës, po vepron.
Dhe çfarë ndodh kur natyra marr në dorë zemrat dhe jetët e njerëzve? Në fillim bëhen më të ndjeshëm dhe një njeri që rigjen ndjenjat e veta, nuk mund të flasë apo të veprojë keq me askënd. Pastaj do të ndriçojë mendje si dritat që ndizen në një dhomë mbushur plot me errësirë. Dhe, sa më mirë të shohin njerëzit, aq më e drejtë është zemra, dhe aq më i vlefshëm e i bukur veprimi.
Duket sikur ishte një verë që shkoi kot. Dikush ankohet për çmime apo probleme të tjera logjistike që u hasën në udhëtime nëpër Shqipëri. Mirë bën. Duhet gjithnjë të indinjohemi për gjërat që nuk shkojnë e sidomos të pretendojmë më të mirën nga nëpunës e njerëz të shtetit shqiptar. Por nga kjo verë të gjithë kemi dalë të fituar, pasi bukuritë dhe freskitë që pamë nuk do të shkojnë kot. Ato janë rezerva jonë dimërore për të na bërë shqiptarë e njerëz më të mirë kudo që të ndodhemi nëpër botë.
“O malet’ e Shqipërisë e ju o lisat’ e gjatë!
Fushat e gjëra me lule, q’u kam ndër mënt dit’ e natë!
Ju bregore bukuroshe e ju lumenjt’ e kulluar!
Çuka, kodra, brinja, gërxhe dhe pyje të gjelbëruar!
Do të këndonj bagëtinë që mbani ju e ushqeni,
O vendëthit e bekuar, ju mëndjen ma dëfreni.
Ti Shqipëri, më ep nderë, më ep emrin shqipëtar,
Zëmrën ti ma gatove plot me dëshirë dhe me zjarr…”
Dikush do të ndjejë se në mendje do t’i vijnë vargje të mësuara e të harruara nga më të mirët tanë. Naim Frashëri për shembull, gjurmët dhe shpirti i të cilit janë ende të gjalla në Sarandë Dhe bukuria e madhështia e krijimit të rilindasve shqiptarë nuk është kohë politike, është një periudhë e ndriçuar dhe ndër të rrallat kur shqiptarët ishin të lumtur e krenarë se qenë shqiptarë.
Mbyllni sytë dhe ruajeni brenda jush të bukurën dhe të mirën e Shqipërisë, që nëpër udhëtime keni marrë.
Komente
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
-
Dhuna, si një re e zezë e grumbulluar, qëndron mbi ne
11 Shtator 2021, 10:11
-
Epilogu i një sezoni/Kur një tropojan bën makaronat më të mira në bregdet
6 Shtator 2021, 16:32
-
Jeta na mësoi të dallojmë një gjyq demode' popullor, nga debati me fakte e logjikë
3 Shtator 2021, 09:17
-
Nuk mund të zhduket një energji si ajo e PD. Eshtë vetëm fillimi i transformimit…
29 Gusht 2021, 12:17
Po ku punojne gjykatat qe te japish nj vleresim.a e dini o milet sa mije dosje flene ghykatave.
PërgjigjuShume mire qe shqiptarve me ne fund po ju ndricohet shpirti e mendja po njehere pernjehere po jetoj ketu jashte ku kam ndertu dhe leshu rrenjet e reja. Ju uroj gjithmone lumturi e begati
PërgjigjuMë mirë në Shtëpinë tënde..sesa në kurbet..,por kur je në kurbet atëherë e ndjen mallin dhe vlerën e vendit tënd...!!!
PërgjigjuSa do mire do jesh jashtë vendit tënd do jesh i përbuzur nuk si vendi jot
Eh si ju shket pena ju parellive, çte te thom
PërgjigjuTe lumte goja
Përgjigjuvendi me bukur ne bote vendi yne ku na hodhi zoti ku lindem dhe u rritem ; vetem mall dhe krenari