POP 5

Lajmet më të lexuara të 5 minutave të fundit

Ekonomi

Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023

Të ardhurat nga turizmi përgjatë 9 muajve të këtij viti kanë kapur shifrën rekord prej 3.9 miliardë euro, në rritje me 640 milionë euro në raport me vjet. Edhe shqiptarët i kanë shtuar shpenzimet jashtë vendit, me 355 milionë euro këtë vit.

Nga deti, në male, kanione, zona të mbrojtura apo monumente kulturore e historike, të huajt kanë shpenzuar vlera rekord në Shqipëri krahasuar me vjet.

Mbi 9.6 milionë të huaj që vizituan vendin gjatë periudhës 9 mujore janar-shtator, sollën në vend 3.8 miliardë euro. Banka e Shqipërisë thotë se shpenzimet e shtetasve të huaj në Shqipëri u rritën me 640 milionë euro në raport me vitin e kaluar.

Nga një përllogaritje e thjeshtë rezulton se çdo turist i ardhur ka shpenzuar 398 euro për qëndrimin këtu, vlerë kjo më e lartë se 9-mujori i vitit 2023, ku shpenzimet mesatare për turist ishin 387 euro.

“Shpenzimi ditor për udhëtar është vlerësuar në rritje, ndërsa sa i takon ditë qëndrimit ky i fundit është luhatur rreth të njëjtit nivel në vitin e kaluar”, thuhet edhe në raportin e Bankës së Shqipërisë.

Në fakt vera e këtij viti është dominuar nga kritikat për abuzim të bizneseve me çmimet që nga akomodimi e deri tek shërbimi ushqimor apo baret.

Nga ana tjetër edhe shqiptarët kanë qenë më dorëlëshuar se vjet në shpenzimet e tyre për pushime jashtë vendit. Rreth 5.9 milionë shqiptarët që udhëtuan jashtë në 9-muaj, kanë shpenzuar mbi 2 miliardë euro, nga 1.7 miliardë euro që ishte vlera e shpenzimeve vjet. Shpenzimi për një shqiptar jashtë vendit përllogaritet mesatarisht në 349 euro nga 337 euro që ishte vlera në të njëjtën periudhë të 2023-shit.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • koli: 13/12/2024 04:32

    SHQIPERIA DUHET TE KISHTE 50 MILIARD EURO FITIME NGA TURIZMI,NE VIT,,,,POR DUHET TE PRISHE KOMPLET PALLATET NE PLAZHIN E DURRESIT -GOLEMIT,,,DHE NDERTIMI ATY I HOTELEVE ME 4-5 YJE,,SIC PO I BEN ALABARI PAK NE TEJ....KJO ESHTE ZGJIDHJA,,KUSH KA SY I SHIKON GJERAT DHE I RREGULLON...

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Shkodër/ Babai i 3 fëmijë i zhdukur prej 4 ditësh, për herë të fundit është parë duke punuar në lumin e Shalës (EMRI+FOTO)

Shkodër/ Babai i 3 fëmijë i zhdukur prej 4 ditësh, për herë të fundit është parë duke punuar në lumin e Shalës (EMRI+FOTO)

21 Janar, 19:33