Ylber Ramadani është padyshim ndër lojtarët më të mirë të Leçes në Serie A. Në Itali e cilësojnë si "feneri" i mesit të fushës, kjo për idetë në fazën krijuese dhe lojën e fortë që mesfushori i Kombëtares zhvillon.
Bashkuar me puljezët vetëm në verën e 2023, Ramadanit iu deshën pak muaj për t'u bërë faktor në klubin e Leçes. Për Corriere dello Sport ai bën me dije se pas telefonatës së drejtorit sportiv, nuk iu desh shumë kohë për t'u bindur se kalimi te verdhekuqtë ishte i duhuri.
"Unë dhe familja ime jemi vendosur në Itali dhe jemi shumë mirë, skuadra më priti në një mënyrë të shkëlqyer. Unë nuk ndihem si lider, ka shumë në dhomën e zhveshjes. Është e qartë, se ky rol kërkon personalitet të jashtëzakonshëm. Ndihem mirë, mesfushori i qëndrës është një pozicion që më pëlqen dhe duhet ta pranoj se D' Aversa më ndihmoi shumë, më shpjegoi se çfarë dëshiron nga unë dhe në cilat aspekte mund të përmirësohem.
Zura vendin e një lojtari si Morten Hjulmand, i cili ishte i preferuari i tifozëve vitin e kaluar, por kjo edhe falë mbështetjes së tyre për të pasur një performancë të rëndësishme. Afërsia me tifozët më shtyu ditë pas dite të jap gjithçka", tha Ramadani.
Më pas ai u ndal edhe te bindja për të firmosur me Leçen dhe ecuria me Kombëtaren. Ai shprehet se Shqipëria do jetë surpriza e Euro 2024.
"Si ju ka bindur Corvino? Mjaftoi një telefonatë. Kur agjenti im foli me drejtorin, menjëherë kuptuam që Leçe ishte zgjidhja e duhur për mua. Vërtetë, nuk u desh shumë.
Me mendje te Europiani? Sigurisht që e mendoj, ne mund të jemi surpriza. Pozicioni ynë është në një grup që mund të bëjë shumë mirë, shumë prej nesh luajnë në ligat kryesore evropiane. Djemtë e rinj mund të bëjnë gjithashtu shumë mirë. Do të jetë një aventurë e madhe", tha Ramadani.
Kroacia, Spanja dhe Italia janë kundërshtarët e Shqipërisë në grupin B të Euro 2024 që zhvillohet nga 14 qershori - 14 korrikun e këtij viti në Gjermani.
Lajme të tjera
-
Serie A/ Juventus dhe Milan barazojnë 0-0! Leçe 1-1 ndaj Monzës, Lazio i falet golit të Zaccagnit për Evropën
27 Prill, 22:47 -
Kompjuteri simulon 10.000 herë eventin e Euro 2024, Portugalia kampione! Shqipëria e parafundit
27 Prill, 21:43 -
VIDEO/ Rey Manaj 'pa frena', shënon golin e 22-të në Turqi dhe fiton kundër Cikalleshit
27 Prill, 16:49 -
Pritet shkarkimi nga Milani! Stefano Pioli s'humbet kohë, gjen ekipin e ri në Serie A
26 Prill, 13:21 -
VIDEO/ 17 minuta të çuditshme, Roma fiton 1-2 kundër Udineses! Debutim i hidhur për Cannavaron
26 Prill, 09:54 -
13 ndeshje me Kombëtaren, Eros Grezda tërhiqet nga futbolli?
25 Prill, 15:59 -
Historike në Serie A, ndeshja e Interit do gjykohet nga një ekip arbitresh vajza
25 Prill, 14:47 -
VIDEO/ Gol dhe asist, Mirlind Daku mund 'i vetëm' Zenitin
25 Prill, 10:07 -
Olivier Giroud largohet nga Milani, do jetë ylli i ri i MLS
24 Prill, 16:30 -
E konfirmon Cesena, Cristian Shpendin e kërkojnë në Serie A
24 Prill, 14:33 -
Lega pranon kërkesën e Interit, ndeshja me Torinon luhet në mesditë! Festë pa trofeun në Milano
23 Prill, 15:40 -
Sylvinho ishte kundër, UEFA lejon trajnerët të marrin 26 lojtarë në Euro 2024
23 Prill, 14:38
