POP 5

Lajmet më të lexuara të 5 minutave të fundit

Ekonomi

Shqipërinë e vizituan mbi 8.5 mln turistë në 8 muaj! Vetëm në gusht mbi 2.1 mln të huaj

Më shumë se 8.5 milionë të huaj e kanë vizituar vendin nga janari deri në gusht. INSTAT thotë se numri i turistëve është rritur me 18% krahasuar me vjet. Ndërkohë është rritur edhe numri i shqiptarëve që kanë pushuar jashtë vendit.

Shqipëria është vizituar nga janari deri në fund të gushtit nga 1.3 milionë të huaj më shumë se vjet në të njëjtën periudhë.

Në total përgjatë kësaj periudhe vendi u vizitua në të katër anët e tij nga 8.5 milionë të huaj, nga 7.1 milionë që ishte shifra për janar-gushtin e vitit 2023.

Jehona e bregdetit shqiptar, që pati pasqyrim në disa media ndërkombëtare, mund të kishte rezultuar edhe më produktive, ndoshta edhe me më shumë turistë, nëse një valë e papritur shtrenjtimi nuk do të kishte përfshirë bizneset e sektorit të turizmit përgjatë gjithë vijës bregdetare.

Referuar INSTAT, 8.1 milionë të huaj që kanë hyrë në territorin Shqiptar ishin nga kontinenti Evropës, i dominuar kryesisht nga shtetas të Evropës Jugore, ku bëjnë pjesë turistët besnik të vendit, ato të Ballkanit Perëndimor e deri tek portugezë, spanjollë, francez, italianë apo turq.

Por në këtë tetëmujor janë dyfishuar të huajit nga Afrika dhe në rritje të fortë janë edhe turistët nga Amerika. Nga ana tjetër edhe shqiptarët këtë vit kanë pushuar më shumë jashtë vendit këtë vit, pasi është në rritje me 15% krahasuar me vjet.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rrena: 25/09/2024 17:24

    Po sikur do ishin 14? Apo ce deshe?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

25 Dhjetor, 16:37