POP 5

Lajmet më të lexuara të 5 minutave të fundit

Sociale

Drejt Punës

Shqiptarët, dembelë apo të dekurajuar për punë? 40% e popullsisë joaktive, në krye Kukësi e Lezha! Muça: I dekurajoi pandemia

Më shumë se 40% e popullsisë në vend është joaktive në punë, pra as nuk punojnë dhe as nuk po kërkojnë. Sipas INSTAT, pandemia rriti numrin e atyre që nuk kanë besim se mund të gjejnë punë, ndërsa për ekspertët kjo vjen nga mungesa e hapësirave për punë të denjë dhe disbalanca e pagave.

Jo vetëm më shumë të papunë, por edhe më të dekurajuar. Këto janë pasojat e pandemisë së COVID-19, që ka shtuar me 3.2% numrin e atyre që nuk besojnë se ka punë të disponueshme për ta. Sipas INSTAT nga 8.4% që ishte shkalla e të dekurajuarve në 2019, ka arritur në 11.6% në qershor të 2021.

“Arsyeja ndër më kryesore është mungesave e hapësirave dhe alternativave për punë të denjë apo për punë cilësore, në përputhje me investimin e bërë. Së dyti vjen nga diferencat e mëdha mes punëve që ofrohen dhe pagat për punën që kanë”, pohon Muça.

Sipas të dhënave në Shqipëri 40.3% e popullsisë e është klasifikuar jo aktive në punë, nga të cilët 18.1% janë shtëpiakë, 11.5% në pension dhe 10.7% janë në paaftësi të përhershme fizike.

Pjesa më e madhe e shqiptarëve që nuk kanë një punë, i përkasin moshës 15-29 vjeç, por a janë dembelë të shoqërisë kjo kategori?

“Jo nuk do i cilësoja dembel. Do të cilësoja mundësinë dhe kapacitetet që ofron tregu i punës për të forcuar meritokracinë dhe barazinë qoftë për gjetjen e punës ashtu edhe për zhvillimin e karrierës”, tha Muça.

Pedagogu Erion Muça thotë se shifra e personave joaktivë është më ulët për shkak se në të dhënat e INSTAT nuk përfshihen punonjësit informalë.

“Vjen dhe si pasojë e pasivitetit që lind dhe krijohet nga fakti që një pjesë e mirë e kësaj grupmoshe ose bën punë informale dhe fiton shumë të ardhura dhe nuk arrin të identifikohet nga statistikat zyrtare, ose priret drejt punëve të paligjshme”, tha Muça. 

Qytetarët me arsim 8-9 vjeçar kanë nivelin më të lartë të in-aktivitetit. Krahasuar me vitin 2019, ky nivel është rritur më shumë në Kukës me 7.6%, Vlorë me 5.5% dhe Lezhë me një rritje 4%.

Popullsia jo aktive në punë sipas qarqeve 
 

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Lufta në Ukrainë/ Presidenti finlandez: 20 prilli është kohë e mirë për një armëpushim të plotë dhe pa kushte

Lufta në Ukrainë/ Presidenti finlandez: 20 prilli është kohë e mirë për një armëpushim të plotë dhe pa kushte

31 Mars, 11:31