Mëngjesin e sotëm në emisionin “Rreze Dielli” në Report Tv ishin të ftuar trajneri i xhudos Besford Dorezi si dhe sportisti Jon Vrenozi i cili arriti të fitojë 3 ndeshje në Kampionatin Ballkanik të Xhudos në kategorinë e peshës së tij në 73 kg. Të dy sportistët ndanë në studio mendimin e tyre se është shumë e vështirë të dalësh kampion kur përfaqëson një vend të vogël si Shqipëria.
Për ne që dolëm kaq lart, kampionë Ballkani ishte shumë e vështirë, që të dalësh kampion bote është super e vështirë. Shqipëria kaq vend i vogël nuk mund të arrijë dot ato maja që janë shumë të larta.
Besford Dorezi, trajner, sportist i xhudos
I pyetur nëse i sheh reale trofetë e marra nga të tjerë kampionë të sporteve të ndryshme në Shqipëri, Dorezi është përgjigjur se sipas mendimit të tij është shumë e vështirë marrja e tyre, madje ka edhe raste kur ato blihen.
![](https://shqiptarja.com/template/img/NO_ALFA_Kuadrate shqiptarja.png)
Për mendimin tim jo, si profesionist që jam. Ne me 11 shtete mezi ia dolëm që të ishim kampionë Ballkani. Për mendimin tim mund të ndodhë edhe që ë blihen. Si profesionist jam shumë i sigurt sepse unë kam një jetë që bëj sport dhe kam një jetë që bëj gara botërore, europiane dhe e di se çfarë do të thotë kampion bote, është një çmim shumë shumë i lartë, është ëndrra e çdo sportisti, por është shumë e vështirë për tu arritur
Besford Dorezi, trajner, sportist i xhudos
Sportistët Besford Dorezi dhe Jon Vrenozi në studion e "Rreze Dielli"
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)