Shqiptarët përmbysin dhe 'turpërojnë' Andrea Pirlon, Rroca gol në Superligën turke

Shqiptarët përmbysin dhe 'turpërojnë' Andrea Pirlon, Rroca gol në Superligën turke

Rroca dhe Topalli pas ndeshjes

Eduart Rroca ka shënuar golin e parë në Superligën e Turqisë. Istanbulspori i shqiptarëve fitoi me përmbysje 1-2 ndaj Karagumruk për javën e tetë në elitën e futbollit turk. Diagne do kalonte vendasit e Andrea Pirlo në avantazh në minutën e 37, ndërsa në pjesën e dytë futja në lojë e kapitenit shqiptar Rroca te Istanbulspor do ndryshonte gjithçka. 13 minuta pas hedhjes në fushë, 29 vjeçari nga Librazhdi shënoi golin e barazimit nga zhvillimet e një këndoreje. Goditja me kokë e Rrocës është ndalur në rrjetë, për t'i hapur rrugë tri pikëve.

Vetëm pesë minuta pas barazimit, asisti i Valon Et'hemit është shfrytëzuar nga Jetmit Topalli, që ka përmbysur kështu skuadrën e Andrea Pirlo. Me këtë fitore, Istanbulspor shkon në kuotën e tetë pikëve në shtatë ndeshje të zhvilluara (një sfidë mangut), për vendin e 13 në klasifikim. Në fushë për skuadrën e ngjitur këtë vit në elitë luajtën katër shqiptarë, mes tyre edhe Sidrit Guri.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

E rëndë/ Mbytet varka me emigrantë afganë në detin Jon, 65 të zhdukur, 1 viktimë dhe 11 të mbijetuar

E rëndë/ Mbytet varka me emigrantë afganë në detin Jon, 65 të zhdukur, 1 viktimë dhe 11 të mbijetuar