Kur "shajmë" provincialë, nuk kemi shumë parasysh njerëz që vijnë nga provinca, më shumë se sa të tillë me horizont të ngushtë, të vogël, të kufizuar. Njerëz që shohin dhe kuptojnë keq, pasi aq është këndvështrimi i tyre.
Kur në shekuj të shekujve Platoni shkroi Mitin e Shpellës, pati ndriçimin të tregonte thjeshtë se si njerëz të detyruar që në lindje të shohin vetëm hijet e projektuara në faqe të shpellës nga zjarri i ndezur në të, dhe më pas të liruar, do ta kishin të vështirë të pranonin se bota reale ishte dielli dhe objektet jashtë shpellës, dhe jo hijet që ata kishin parë tërë jetën. Akoma më i vështirë do të ishte misioni i ndonjërit që nga shpella do të dilte dhe të kthehej e të bindte bashkëvuajtësit se Jeta e vërtetë dhe e bukur është jashtë saj.
Në ditët tona, është akoma e vështirë që disa të kuptojnë se nuk kanë asnjë tagër të bëhen në një shtet ligjor e në një demokraci të gjithëpranuar as prokurorë, as gjyqtarë, as mjekë, as psikiatër të askujt e sidomos tregues të një të vërtete reale dhe të shëndetshme.
Pikërisht për të shmangur delirin njerëzor, i cili për shkak të kulturës, kushteve, mentalitetit, horizontit, i bën njerëzit të dallueshëm nga njëri-tjetri, qytetërimi, inteligjenca njerëzore, shpiku Shtetin dhe ligjin.
E thënë kjo, është pak për të qeshur apo për të qarë kur shohim bashkëqytetarë nëpër studio televizive të bërtasin me të madhe se pse nuk quani vrasës, kriminelë, hajdutë, të përdalë etj. këtë apo atë?
A janë këta individë që jetën e kanë kaluar nëpër formacione politike të ngjashme me shpellën e Platonit, që sot mund të shpjegojnë para shqiptarëve realitetin ku jetojmë?
Pavarësisht vështirësive, peripecive të tranzicionit, për fat të mirë më shumë shqiptarë sa disa mendojnë, në vend që ta kalonin jetën e tyre nëpër formacione "shpellare", thjeshtë duke ndenjur të lirë në dritën e diellit, shumë gjëra më mirë i shikojnë e kuptojnë. Pavarësisht kërcënimeve e vetëflijimeve.
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
-
Dhuna, si një re e zezë e grumbulluar, qëndron mbi ne
11 Shtator 2021, 10:11
-
Epilogu i një sezoni/Kur një tropojan bën makaronat më të mira në bregdet
6 Shtator 2021, 16:32
-
Jeta na mësoi të dallojmë një gjyq demode' popullor, nga debati me fakte e logjikë
3 Shtator 2021, 09:17
-
Nuk mund të zhduket një energji si ajo e PD. Eshtë vetëm fillimi i transformimit…
29 Gusht 2021, 12:17
