Shqiptarja.com nuk ndalet, arrin
300.000 “Like” në "Facebook"

Edhe pse ka vetëm 5 vjet mes lexuesve shqiptarë, gazeta shqiptarja.com vazhdon të rritet çdo ditë falë profesionalizmit të saj, duke arritur shifrat më të larta që një media e shkruar ka marrë në rrjetet sociale, konkretisht në Facebook.

Shqiptarja.com ka arritur sot shifrën e 300.000 “like” (pëlqime), nga lexuesit e saj, duke lënë shumë mbrapa me shifra të jashtëzakonshme edhe media dhe agjenci lajmesh në web, të cilat operojnë në treg që prej vitit 2000, por që kanë pak më shumë se gjysmën e pëlqimeve të gazetës shqiptarja.com



Ndryshe nga renditja e Alexa.com, në të cilën futen vetëm mediat ky renditja mund të ndryshojë edhe nëpërmjet pagesës, në Facebook renditja dhe numri i “like” është më transparent. Mediat apo faqet që paguajnë FB shënon qartë mesazhi “i sponsorizuar”, gjë që nuk ndodh me matësin Alexa.com.

Shqiptarja.com si politikë të saj, ka zgjedhur të mos paguajë as Alexa.com as Facebook dhe asnjë mjet komunikimi online. Edhe Report TV, një ndër televizionet më të reja të informacionit, ka një shifër prej mbi 214 mijë like.

Facebook është një matës shumë i mirë dhe një orientim më i ndershëm edhe për kompanitë që duan të reklamojnë në sa më shumë persona aktivitetet dhe prodhimet e tyre.
Pasqyra e mediave kryesore informative shqiptare sipas like në Facebook të cilat kushdo mund t’i verifikojë duke hyrë në faqet përkatëse.

Shqiptarja.com është e vendosur që të vazhdojë misionin e saj të shenjtë, të informimit të shpejtë dhe të paanshëm të publikut. Duke falënderuar një për një çdo lexues të faqes tonë, i garantojmë ata, se do të vazhdojmë punën tonë për t’i informuar në kohë reale dhe me profesionalizëm.

Ne jemi të vendosur që të vazhdojmë punën tonë, me një mision të vetëm dhe të panegociueshëm, të përcjellim të vërtetën dhe t’i shërbejmë lexuesve.




Redaksia Online
Al.Ç/Shqiptarja.com

/Shqiptarja.com