POP 5

Lajmet më të lexuara të 5 minutave të fundit

Ekonomi

Shtëpitë e dyta, deputetët
kundër propozimit të qeverisë

Komisioni i Ligjeve seancë dëgjimore me ministrin e pushtetit vendor si dhe me zëvendësministrin e Financave. Deputetët: “Vendim që penalizon shqiptarët, dy shtëpi nuk janë shenjë mirëqënie”.
Shtëpitë e dyta, deputetët<br />kundër propozimit të qeverisë
TIRANE- Komisioni i Ligjeve në një seancë dëgjimore me ministrin e pushtetit vendor Bledi Çuçi si dhe me zëvendësministrin e Financave Ervin Mete debatuan dje lidhur me projektligjin për sistemin e taksave vendore si  dhe për taksat kombëtare.

E vetmja pikë që bashkoi deputetët e këtij komisioni ishte pikërisht rritja e taksës për qytetarët që kanë më shumë se një shtëpi.

Deputetet e mazhorancës kanë kërkuar sqarime për këtë rritje të taksës, ndërkohë që përfaqësuesit e qeverisë kanë mbrojtur vendimin me argumentin e progresivitetit për qytetarët me nivel më të lartë mirëqënie. Opozita ka rikritikuar ashpër edhe rritjen e çmimit të naftës, e cila do të çojë në rritje të çmimeve për të gjithë qytetaret.

Replikat:
Majko: Në taksën për ndërtesat ju keni sjellë një ndryshim ku personat fizikë që kanë më shumë se një shtëpi banimi, do taksohen dyfish për çdo banesë që kanë më tepër.
Mete: Shtëpia apo apartamentet janë treguesit kryesorë të mirëqënies dhe sa më e lartë të jetë mirëqenia, ky është koncepti bazik i progresivitetit, aq më shumë shtohen taksat. Ajo që përdoret si shtëpi e parë banimi taksohet me nivelin bazë, ajo që është shtëpi e dytë, që mund të jetë shtëpi pushimesh, do taksohet dyfish.
Çuçi: Nëse ke shtëpi të dytë në fshat, brenda në Golem, nuk ka të njëjtën taksë me atë që e ka në Golem, por e ka në fshat turistik buzë detit sepse ky që e ka për qëllime luksi, do paguajë dyfish.

Majko: Do ndodhë që kur qytetari do marrë vesh që do paguajë dyfish nuk do ta regjistrojë.
Vasili: Në konceptin e Ministrisë së Financave shtëpitë e dyta janë biznes, janë lluks, janë një nevojë? Ky është një qëllim penalizues, që nuk i stimulon shqiptarët për asnjë arsye të blejnë një banesë të dytë.
Mete: Në gjithë thelbin e paketës qëndron progresiviteti. Ata që kanë të ardhura të larta do të përballojnë më shumë peshë tatimore.
 
Shkrimi u publikua sot (18.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04