Ndërsa vitet kalojnë, të korruptuarit kanë krijuar ndërkohë një identikit: Bashkëshorti shërben devotshëm në një parti, ndërsa bashkëshortja në tjetrën. Njëri duhet të jetë në pushtet dhe tjetri në opozitë, për të ndryshuar pastaj sapo gjërat vihen keq për një parti apo anasjelltas. Ata e mbajnë veten për më të zgjuarit mes shqiptarëve, sepse ata “e kanë mirë me të gjithë”. Për shumë vite punojnë pa u ndier, por vjen një moment që nuk e përmbanjë dot veten. Duhet të tregojnë patjetër se sa të aftë janë, sa të zgjuar janë, sa të pasur janë, sa në modë janë, sa të bukur janë!
Bën përshtypje metamorfoza e tyre fizike: vetullat ngrihen lart nga viti në vit, ndërkohë që njerëzve normalë iu bie çdo gjë duke respektuar ligjin e gravitetit. Ndërsa vetullat, buzët, shtëpitë, veshjet ndryshojnë, ata brenda e ndjejnë të domosdoshme se kanë shumë për t’u treguar mbarë shqiptarëve se sa të zotët janë. Kështu kuptojnë se ambicja e tyre ka ardhur në momentin e duhur për t’u shfaqur, për të treguar se kush janë! Nisin të tregojnë nëpër media shtëpitë: Të tmerrshme, por ata janë të bindur se janë të bukura. Marrin arkitektë për të vendosur perde dhe divanë që janë edhe më të trishtuara se dhomat e funeraleve. Mbyllin me ato perde të rënda pamje nga deti, nga qielli, sepse ndjeshmëria e tyre është ngurtësuar, është betonizuar, ata i vret drita. Nuk dinë çfarë bëjnë! Mbjellin ullinj në rërë, e bëjnë shtëpi me 20 oxhakë në klimë bregdetare dhe vishen me këpucë mali në det e me pantofla deti në mal!
Pastaj mendojnë se janë super të talentuar, aq të talentuar sa artin e tyre e mbajnë vetëm për të bërë bamirësi. Ata janë mbi çdo artist që ka nevojë të shesë për të jetuar!
Të korruptuarit blejnë një diplomë nëpër universitete private, pastaj blejnë shumë like në Instagram për t’i treguar partive përkatëse se shqiptarët “vdesin” pas tyre dhe se ata e meritojnë një post të rëndësishëm në parti apo administratë. E ndërsa shiten si të rëndësishëm para popullit që ”s’di” e vendosin veten totalisht në shërbim të padronëve më të fuqishëm.
Të korruptuarit e sotëm dalin në tregun e dhimbshëm të shërbimeve partiako-administrative për përfitim dhe mendojnë se shfaqja në media e shtëpive të tyre të ftohta akull e pa shpirt është diçka e bukur. Gabojnë tmerrësisht: Shtëpitë e tyre tregojnë varfëri akoma më të thellë se e disa dhjetra shtëpive të shqiptarëve që kërkojnë ndihmë në media dhe jetojnë në varfëri ekstreme.
Ndërsa lajmi i mirë i këtyre ditëve është shndërrimi i një prej këtyre pronave të korrupsionit në qendër Arti për të rinjtë. Të tjera shtëpi, do të ishin strehëza të mrekullueshme për të moshuar, gra të dhunuara, shoqata në ndihmë të fëmijëve ndryshe. Vetëm për këto mbështetje mund të shërbejnë shtëpitë e korrupsionit në Shqipëri.
Komente
Lajme të tjera
-
Ekonomia në rritje, por KE lë ‘detyra’ për qeverinë: Luftoni informalitetin në paga, stop rishikimit të buxhetit me akt normativ, mbroni fondet e BE
31 Tetor, 14:04
-
Report Tv siguron Progres raportin e BE për Shqipërinë: Mbështesim objektivin e qeverisë për mbylljen e negociatave të anëtarësimit deri në 2027! Përparim në luftën kundër korrupsionit
30 Tetor, 12:30 -
Kryepolici Proda takon kreun e SPAK, Dumani: Bashkëpunimi ynë në stad tjetër, rrisim besueshmërisë mes palëve! Luftë krimit të organizuar dhe korrupsionit
22 Tetor, 10:35 -
Raporti i SELDI-t: Shqipëria ka normat më të larta të ryshfetit në Ballkanin Perëndimor
3 Tetor, 22:05 -
'Goditëm të paprekshmit' Dumani: U sekuestruan 150 mln euro pasuri e krimit! Pavarësia e SPAK kusht themelor, të mbrohet nga ndërhyrjet a presionet e padrejta që minojnë integritetin
3 Tetor, 11:29 -
U denoncua me filmim se mori 1 mijë euro ryshfet, SPAK vë nën arrest Oficeren Gjyqësore të Elbasanit! Do pushonte çështjen e një të akuzuari për ndërtim pa leje
17 Shtator, 10:55 -
SHBA mbështet SPAK: Punë të shkëlqyer! Përfaqësuesja e DASH në Tiranë: Mbani korrupsionin nën kontroll të anëtarësoheni në BE
16 Shtator, 12:22
-
Tabaku ngre shqetësimin: Zhvlerësimi i Euros, pasojë e pastrimit të parave dhe korrupsionit, prodhuesit shqiptarë dhe fermerët po penalizohen!
27 Gusht, 10:38 -
Preç Zogaj: Korrupsioni kapilar është në natyrën e qeverisjes propagandistike
8 Korrik, 22:57
-
Raport: Lufta kundër korrupsionit në Ballkan sheh progres, por edhe regres
20 Qershor, 22:55 -
Zaloshnja: Radiografia e korrupsionit në Barometrin e Sigurisë
7 Qershor, 08:50
-
Edhe ‘të vegjlit’ bojkot komisionit anti-korrupsion! 6 deputetë kundër 'rrymës'
31 Maj, 13:55
shume mire eke thene por po the ma legajizujbe nua ate shtepine time qe e kam ndertuar qe ne 1999 per 6 muaj e bej qe qe tu ngelet koka mhrapa ketyre me 2 parti
Përgjigju