Forumi Ekonomik Botëror ka publikuar listën e shteteve që kanë jetëgjatësinë më të madhe dhe më të vogël në botë, ku mes tyre hyn edhe Shqipëria e cila sipas llogaritjeve qëndron e 39 në listë me një jetëgjatësi mesatare prej 78 vitesh, 6.3 vite më pak se Hong-Kongu, i cili mban vendin e parë me jetëgjatësi mesatare prej 84.3 vitesh.

Vendet Aziatike dhe ato Europiane renditen në listën e 10 vendeve me jetëgjatësinë më të madhe, ndërsa shtetet Afrikane janë ato me jetëgjatësinë më të ulët.

Fqinjët tanë grekët renditen në vendin e 20 sëbashku me Anglinë me jetëgjatësi prej 81.6 vite, ndërsa SHBA renditet dy vende më parë se Shqipëria me 78.8 vite.

Në listën e mëposhtme do të lexoni 10 vendet e para të cilët mbajnë rekordin për jetëgjatësinë më të lartë
1. Hong Kong - 84.3 vite

2. Japonia - 83.8 vite

3. Italia - 83.5 vite

4. Spanja - 83.4 vite

5. Zvicra - 83.2 vite

6. Islanda - 82.9 vite

7. Franca - 82.7 vite

8-9. Suedia & Singapori - 82.6 vite

10. Australia - 82.5 vite

Er.K/Shqiptarja.com