Menaxhimi i financave publike po shfaq probleme sa i takon administrimit të fondeve që burojnë nga taksat e qytetarëve dhe borxhi, në raport me legjislacionin në fuqi.
Një raport voluminoz i Kontrollit të Lartë të Shtetit për zbatimin e buxhetit 2020, që tashmë është në Kuvend, zbuloi skemën e mosrespektimit sistematik të ligjeve, që rregullojnë administrimin e financave publike. Situata mbetet problematike në lidhjen e kontratave për shpenzime që nuk regjistrohen në thesar, duke u bërë shkak për krijimin e detyrimeve të fshehura.
“Gjatë vitit 2020 janë regjistruar 2564 kontrata në vlerën totale 52 miliardë lekë të cilat u përkasin viteve të mëparshme. Kontrata më e hershme e regjistruar në vitin 2020, rezulton të jetë lidhur në vitin 2007, pra 13 vite më parë”, raportoi KLSH.
Kështu 52 miliardë lekë ose 430 milionë euro janë pagesa që u bënë për kontrata, të cilat ishin nënshkruar vitet e shkuara dhe janë regjistruar me vonese në thesar.
Nëpunësit e qeverisë që janë të autorizuar për të kontabilizuar në kohë shpenzimet buxhetore që lindin nga prokurimet nuk kanë zbatuar udhëzimet për zbatimin e buxhetit, i cili përcakton se të gjitha kontratat e nënshkruara nga institucionet për, punë, mallra dhe shërbime duhet të regjistrohen në thesar jo më vonë se 5 ditë nga nënshkrimi i tyre.
Por nga auditimi i Kontrollit të Lartë të Shtetit është gjetur se, se nga 23,660 kontrata të regjistruara në vitin 2020, 14,982 kontrata ose 63% e totalit të kontratave të regjistruara me vlerë 131.5 miliardë lekë (1,1 miliardë euro) janë regjistruar në shkelje të afatit 5 ditor.
Por, shkelja kategorizohet si e rëndë për kontrata që lidhen nga entet publike dhe regjistrohen në thesar shumë vite me vonesë.
Në tabelën e mëposhtme të publikuar nga KLSH shihet se janë regjistruar në vitin 2020 pagesa për kontrata të vitit 2007.
Psh., në vitin 2020 u regjistruan në thesar pagesa në vlerën 49 milionë lekë për kontrata të vitit 2011.
Këto gjetje vijnë si risi pasi qeveria në vitin 2014 kur erdhi në pushtet mori mbi 72 miliardë lekë borxh të ri për të shlyer detyrimet e prapambetura të gjetura nga një audit ndërkombëtar të lëna nga qeveria paraardhëse. Por edhe sot në vitin 2020, shihet se qeveria paguan kontrata para vitit 2014.
KLSH vëren se fenomeni i regjistrimit me vonesë i kontratave vazhdon të shfaqet si një fenomen i agravuar si në njësitë e qeverisje vendore ashtu dhe në ato qendrore, përfshirë dhe institucionet e pavarura./Monitor
Lajme të tjera
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Komisioni i Ekonomisë/ ‘Po sulmohem nga mediat’, Braçe: Do e qep gojën, se po thonë që kam ‘kap’ KLSH! Shehu: Vlerësojmë bashkëpunimin me ju për auditimet
29 Tetor, 12:00 -
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Miratohet projektrezoluta, KLSH do të bëjë publik planin e auditimit, kohëzgjatjen dhe audituesit! Debate mes socialistëve për transparencën e institucionit
15 Tetor, 16:15
-
Mazhoranca ‘sherr’ për transparencën e KLSH-së, Braçe: 10 muaj një kontroll! Duhet afat për auditimet! Gjini: Cënohet pavarësia
8 Tetor, 20:28
-
Përmbytjet në Vlorë, tenderët dhe kontratat për rrugët e kanalizimet në 'sitën' e KLSH-së! Prokuroria ende asnjë hetim!
8 Tetor, 15:52 -
Ditët e ‘errëta’ për valutat ‘bekim’ për borxhin e jashtëm, bie me 181 mln €
10 Shtator, 15:29
-
EKSKLUZIVE/ EMRAT e 53 ekspertëve që do të angazhohen në Komisionin antikorrupsion të drejtuar nga Fatmir Xhafaj! Mes tyre gruaja e Sokol Olldashit e ish këshilltari i Metës
10 Shtator, 10:47
-
Pakt PS-PD! Miratohet me 90 vota pro dhe 4 kundër nën/Komisioni që kontrollon KLSH-në, opozita merr drejtimin! Spaho: Doni ta zaptoni! Kuvendi seancë maratonë
25 Korrik, 11:13 -
KLSh kërkoi shkarkimin e Drejtoreshës së buxhetit! Shalsi e thërret në ballafaqim me Shehun në Komisionin e Ekonomisë
23 Korrik, 13:22 -
Tabaku debat me Shalsin tek ‘Ekonomia’ për KLSH: Mos sulmoni institucionet e pavarura
19 Korrik, 15:33
