Shtyhet vendimi për çregjistrimin e Bashës si kryetar i PD-së, Harxhi: Tendencioze se janë zgjedhjet! Ish kryedemorkati po lë litarin jashtë

TIRANË- Gjykata e Tiranës ka shtyrë vendimin për çregjistrimin e Lulzim Bashës si kryetar të Partisë Demokratike. Në një prononcim për mediat, paditësja Edith Harxhi është shprehur se ky vendim nga Gjykata është tendencioz për shkak se jemi në prag të zgjedhjeve vendore. Sipas Harxhit, dihet botërisht se Basha ka dhënë dorëheqjen por duke qenë se nuk ka një dokument të firmosur, ky pohim i regjistruar i Bashës nuk është marrë parasysh nga Gjykata. Seanca e radhës pritet të jetë në prill, nënvizon Harxhi ndërsa thotë se për shkak të tij deri para një viti selia blu ka funksionuar pa rregulla dhe protokoll por këtë Gjykata e sheh si “faj” të strukturave të partisë dhe jo të Bashës. Harxhi këmbëngul se ky vendim është i qëllimshëm.

“Faktikisht në seancën e kaluar gjyqtari e pranoi shtesën e objektit të padisë që ka të bëjë me çregjistrimin e Bashës por sot, Kapllani nuk e pranoi provat për dorëheqjen e Lulzim Bashës. Gjoja me justifikimin që këto nuk janë paraqitur në seancë paraprake. Pro unë kam bërë dy kërkesa dhe s’jam thirrur në Gjykatë. Kjo është tendencioze sepse dihet botërisht që Basha ka dhënë dorëheqjen. Basha pavarësisht se ka dhënë dorëheqjen, fakt i njohur botërisht, ai ka dashur në një farë mënyre të lëri litarin jashtë.  Seanca e radhës do jetë në prill, natyrisht do shohim se çdo thotë pala tjetër. Sot ishte seancë shumë e nxehtë. PD deri para një viti ka funksionuar pa asnjë lloj rregulli, pa protokoll i brendshëm dhe sot thonë që fajin e kanë pasur strukturat e partisë dhe jo kryetari.

Gjykata nuk e pranoi si provë sot, dokument nuk ka se do duhej të ishte dorëzuar nga Bardhi. Është i qëllimshëm. PD nuk ka paur protokoll, ka filluar t’i ketë tani. S’u paraqit fare në seancë sot.”- thotë Harxhi.

LEXO EDHE:
Lufta poshtë brezit për dominimin e opozitës

Edit Harxhi, e cila ishte një prej kandidatëve për kryetar të PD-së në zgjedhjet e 13 qershorit, në përfundim të rezultatit tha se mijëra anëtarë të PD nuk u lejuan të votonin, ndërkohë që mijëra u përjashtuan nga listat fare. Sipas saj janë përjashtuar 28 mijë anëtarë të Partisë Demokratike dhe kjo është shkelja me madhe e këtyre zgjedhjeve.

Lulzim Basha u shpall zyrtarisht fituesi i zgjedhjeve të 13 qershorit në PD duke marrë një mandat të tretë për drejtimin e partisë për 4 vitet e ardhshme. Pas Bashës më i votuari ishte Agron Shehaj me 6038 vota, e treta vinte Edit Harxhi me 983 vota, ndërsa i fundit në renditje nga numri i votave të siguruara ishte Fatbardh Kadilli i votuar nga 781 anëtarë. Nga 75 mijë anëtarë të PD, në zgjedhje votuan 41097 anëtarë, nga këto 413 vota kanë dalë të pavflefshme, kurse të vlefshme 40 mijë vota. Më 21 mars 2022, Lulzim Basha mori vendimin për të dhënë dorëheqjen nga posti i kreut të PD.

G.MO/r.k./Shqiptarja.com

TAG:
• Edith Harxhi
• lulzim basha
• Gjykata e Tiranes
• zgjedhjet ne pd
• Lufta brenda PD
• zgjedhjet vendore 2023