Shtynë gjyqet e Dajtit, Disiplina i
heq licencën 5 muaj njerit avokat

TIRANE - Një nga avokatët që ndihmoi në zvarritjen e procesit gjyqësor ndaj Dritan Dajtit, akuzuar për vrasjen e 4 policëve në Durrës, është pezulluar nga aktiviteti i tij. Komiteti i Disiplinës i Dhomës Kombëtare të Avokatisë, në mbledhjen e djeshme, shqyrtoi dosjet e dy prej 12 avokatëve që do të “hetohen” për shtyrjen pafund të procesit “Dajti”. Kështu, pas shqyrtimit të dosjes, është vendosur që avokatit të zgjedhur nga vetë klienti, Asaf Hadëraj, t’i pezullohet licenca e avokatit për një periudhë prej pesë muajsh.

Ndërsa për të dytin, Foti Rustemi, emrin e të cilit e kishte kërkuar për pezullim Ministria e Drejtësisë, është rrëzuar pretendimi i Halimit. Ndërkohë, burime nga Dhoma e Avokatëve ka deklaruar, se në vazhdim, do të shqyrtohen dosjet e avokatëve tjerë të Dajtit, Klementina Çaushaj; Fatbardha Hajdari; Liri Vathi; Lin Alija; Lulzim Llangozi; Lazër Sokoli; Ervin Faniku; Gjustina Golloshi dhe Luljeta Ilia.

Redaksia online
(ar.sh/shqiptarja.com)

TAG:
• dritan dajti