Shtyrja e vitit shkollor, Pampuri: Dëshmi e dështimit me mësimin online, detyra e qeverisë ishte të bënte mësim plotësues gjatë verës

Partia Demokratike ka reaguar për vendimin e ministrisë së Arsimit e cila ka shtyrë nisjen e vitit të ri shkollor. Deputetja e zgjedhur, Orjola Pampuri e ka cilësuar si dëshmi të dështimit të mësimit online. Sipas saj detyra e qeverisë ishte të bënte mësim plotësues gjatë verës.

Reagimi i pampurit:

Shtyrja e vitit shkollor dëshmon se Ministria e Ç'arsimit ka dështuar me mësimin online dhe mësuesit ndihmës per familjet me femijet me aftësi te kufizuar.

Boshllëqet nga dështimi i mësimit online dhe mangësitë në mësues ndihmës nuk mund të zgjidhen duke shtyrë datën e nisjes së procesit mësimor, e cila ne vetvete nuk bën gjë tjetër veçse krijon hendeqe te tjera per nxenesit, sa i përket njohurive për vitin e ardhshëm mësimor. I gjithë ky ç'organizim vjen pikërisht nga paaftësia për të menaxhuar situatën përballë pandemisë, si me mësimin online, ashtu edhe me mësuesit ndihmës.

Detyra e qeverisë ishte të bënte mësim plotësues gjatë verës, kur infektimet ishin të pakta. Ndërsa shtyrja e tanishme e mësimit do të ketë efekte zinxhir për mësimdhënien, për familjet, në kushtet e rritjes së kurbës së infektimeve në vjeshtë. Asnjë mësim nuk nxorrën nga viti i shkuar, përkundrazi, vijojnë të veprojnë pa plan, duke lënë në mëshirë të fatit nxënësit dhe mësuesit.

Lajmi kryesor:

Shtyhet data e fillimit të vitit të ri shkollor, Kushi: Nxënësit kthehen në klasa më 27 shtator, nga 1 shtatori mësim plotësues me dëshirë

TAG:
• PD
• ministria e arsimit
• Evis Kushi
• oriola pampuri
• viti i ri shkollor