KOSOVË- Shuhet në moshën 73-vjeçare ish-kryeparlamentari i Kosovës, Kolë Berisha. Lajmi është bërë me dije nga djali i tij, Visar Berisha përmes një postimi në ‘Facebook’, ndërsa bën me dije se ai ndërroi jetë si pasojë e një sëmundjeje të rëndë.
Kolë Berisha ishte Kryetar i Kuvendit të Kosovës nga marsi 2006 deri në 2007, gjithashtu edhe nënkryetar i Lidhjes Demokratike të Kosovës. Ai ishte gjithashtu edhe i burgosur politik, e ish anëtar i ekipit negociator për zgjidhjen e statusit të Kosovës.
“Sot herët në mëngjes na la Kolë shoqi!
Mas një sëmundje të randë e kahemotshme, i mësuem mos m’u dorezu, sot baba pranoj burrnisht me iu dorezue Hyjit në jetën e pasosun. Ma shumë se dhimtë, kam një ndjenje çlirimi për trupin e tij, që ka vuajtur kaq shumë në heshtje e pervujtshem.
Për shkak të situatës së randë epidemiologjike dhe masave që prej sot janë në fuqi, nuk do te mund të organizojmë të pame për babën. Nesër, me 30.08.2021 në orën 11, ne Katedralen ‘Nënë Tereza’ ne Prishtinë do të celebrohet Mesha e Dritës për babën, kurse në orën 13 do të jetë vorrimi me rrethin e ngushte familjar në vorrezat e qytetit të Prishtinës.
E di, që shumë prej jush doni me qenë nga afër pjesë e dhimtës tonë, por shëndeti i juaj dhe të gjithë të tjerëve ka me shumë rëndësi. Kujtojeni babën në lutje, prej aty ku jeni. Ngushllimet i pranojmë nëpërmjet telefonit”, shkruan Visar Berisha.
Kush ishte Kolë Berisha?!
Kolë Berisha ishte politikan dhe kryetari i dytë i Parlamentit të Kosovës. U lind më 26 tetor 1947 në fshatin Dobërdol të Komunës së Klinës. Shkollën fillore e kreu në fshatin Ujmirë. Pas kryerjes së shkollës normale në Gjakovë, dy vjet punoi mësues në Ujmirë dhe Gllarevë të Klinës, kurse nga 8 marsi i vitit 1973 punoi si sekretar i gjimnazit “Luigj Gurakuqi” në Klinë. Ka të kryer edhe Fakultetin Juridik në Prishtinë.
Më 28 mars të vitit 1989, arrestohet dhe dërgohet në burgjet serbe në Leskovc, Beograd dhe në Pejë. Pas tre muajve lirohet, por përjashtohet nga puna.
Me themelimin e Lidhjes Demokratike të Kosovës, Berisha u anëtarësua dhe për dy mandate me radhë ishte anëtar i Kryesisë së Degës së LDK-së në Klinë dhe kryetar i Komisionit për Pajtimin e Familjeve të Hasmëruara. Më pas ishte edhe nënkryetar në LDK, derisa dha dorëheqje në vitin 2010, për siç kishte thënë, për shkaqe personale dhe për t’u hapur rrugë forcave të reja. Në karrierën e tij politike veçohet edhe puna e tij me ish-presidentin Ibrahim Rugova. Berisha ishte këshilltar i Rugovës.
Pas luftës shërbeu edhe si anëtar i Këshillit Transitor të Kosovës dhe anëtar i Forumit Politik të Kosovës të formuar nga PSSP Søren Jessen-Petersen. Ishte anëtar i Grupit Politik Strategjik për zgjidhjen e statusit përfundimtar të Kosovës.
Po ashtu ishte deputet i disa legjislaturave të Kuvendit të Kosovës. Kolë Berisha kishte shkruar edhe prozë e poezi.
Kryetari i Kuvendit, Gramoz Ruçi, ka shprehur ngushëllimet për ndarjen nga jeta të ish-kryetarit të Kuvendit të Kosovës, Kolë Berisha. Përmes një mesazhi, Ruçi thotë se Berisha ishte simbol i urtësisë dhe tolerancës, ndërsa thekson se i shërbeu Kosovës me vizion dhe integritet.
“Me dëshpërim mora lajmin për ndarjen nga jeta të personalitetit të shquar, ish-Kryetarit të Kuvendit të Kosovës, Kolë Berisha. Kolë Berisha ishte një personalitet poliedrik: mësues dhe edukator me influencë, shkrimtar i shquar, njeri i aksionit politik, luftëtar i lirisë, veprimtar i palodhur shoqëror dhe frymëzues i tolerancës e mirëkuptimit, deputet i respektuar dhe kryeparlamentar autoritar. Kolë Berisha i shërbeu Kosovës me vizionin, lidershipin dhe energjitë e tij, përndjekjen prej regjimit serb, librat dhe veprën letrare, kontributin në LDK dhe në jetën politike, mbjelljen dhe shpërndarjen e frymës së pajtimit politik e njerëzor, si deputet i palodhur dhe së fundi edhe si Kryetar i Kuvendit të Kosovës. Kolë Berisha ishte simbol i urtësisë, tolerancës, përkushtimit, veprimit politik e kombëtar dhe kryeparlamentarit mendjehapur, me integritet e të matur. Në emër të Kuvendit të Shqipërisë dhe në emrin tim i shpreh familjes, institucioneve dhe popullit të Kosovës ngushëllimet për këtë humbje të madhe”, shprehet Ruçi.
Presidenti Ilir Meta ka shprehur ngushëllimet pas ndarjes nga jeta të ish-kryeparlamentarit të Kosovës, Kolë Berisha. Duke e konsideruar si një humbje të madhe për familjen e kolegët, Meta shkruan se Berisha tha një kontribut të madh në konsolidimin e shtetit të Kosovës.
“Me hidhërim mora lajmin për largimin nga jeta të z.Kolë Berisha, politikanit të urtë dhe vizionar të Kosovës, deputet në disa legjislatura dhe bashkëpunëtor i ngushtë i Presidentit Rugova. Është një humbje e madhe për familjen, miqtë dhe kolegët, të cilëve ju shpreh ngushëllimet më të thella!
Aktivist i palodhur në shërbim të çështjes kombëtare, angazhimin jetësor të Kolë Berishës nuk e ndalën as persekutimet dhe burgosjet, për të spikatur si ish-Kryetar Kuvendi dhe ish-deputet, me kontributin e tij përherë të respektuar për konsolidimin e institucioneve të shtetit të Kosovës. Urtësia, veprimet e matura dhe të mençura politike të Bacës Kolë do të kujtohen gjithmonë me nderim! Të prehet në paqe”, shkruan Meta.
Ish-kryeministri i Kosovës, Ramush Haradinaj ka reaguar për ndarjen nga jeta të ish-kryeparlamentarit Kolë Berisha. Në postimin e tij, Haradinaj shkruan se Berisha ka dhënë një kontribut të çmuar për zhvillimin e arsimit, ndërsa thekson se pas luftës ai ka ndikuar në shtetndërtimin e Kosovës.
“I pikëlluar nga lajmi për ndarjen nga jeta të ish-kryetarit të Kuvendit të Kosovës z. Kolë Berisha. Ai dha kontribut të çmuar për arsimin ndër vite. Në kohën kur organizimi jonë për çlirim merrte formë, ai angazhohet në pajtimin e gjaqeve dhe hasmërive dhe në themelimin e institucioneve paralele në Kosovën e okupuar. Pas luftës, ai vazhdoi kontributin e tij në shtetndërtim, ku mes tjerash kryesoi Kuvendin e Kosovës. Ngushëlloj me këtë rast familjen Berisha, kolegët dhe të gjithë ata që e njohën”, shkruan Haradinaj.
Presidentja Vjosa Osmani ka reaguar pas lajmit se ish-kryeparlamentari i Kosovës, Kolë Berisha ka ndërruar jetë. Përmes një postimi në ‘Facebook’, Osmani shkruan se Berisha ka qenë një ndër veprimtarët më të mëdhenj që gjithë jetën ia kushtoi lirisë së Kosovës.
“Me pikëllim të thellë e mora lajmin për ndarjen nga jeta të Kolë Berishës, njërit ndër veprimtarët më të shquar të lëvizjes për pavarësinë e Kosovës, bashkëpunëtorit e bashkëmendimtarit të presidentit historik, dr. Rugovës, njeriun e urtë e njeriun e paqes, i cili tërë jetën ia kushtoi lirisë së vendit të tij.
Sot, ai u nda nga ne, duke na lënë të pikëlluar, por edhe krenarë për veprën e tij shumëdimensionale. Mësues i hershëm dhe idealist i madh, autor tekstesh letrare e veprimtar i pashoq politik, pajtues gjaqesh e urë lidhëse mes njerëzish, kryetar i Kuvendit të Republikës së Kosovës e politikan i urtë, bacë Kola dha shembullin e njeriut i cili beson në idealin e lirisë dhe ia kushton tërë jetën asaj. Ndarja nga jeta e tij do të lë zbrazëti të madhe në jetën tonë publike. I përjetshëm qoftë kujtimi për të”, shkruan Osmani.
Komente
Lajme të tjera
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32
Ngushellime familjareve, farefisit,miqeve dhe bashkeveprimtareve dhe bashkevuajtesve te Koles.Kola gjithmone e ne gjitha rrethanat, ishte ne rreshtin e pare te veprimeve atdhetare.
Përgjigju