Mëngjesin e sotëm është shuar në moshën 79-vjeçare poeti vlonjat Lefter Çipa, pas një beteje të gjatë me sëmundjen.
Ai njihet si njeriu që investoi më shumë për polifoninë shqiptare. Lefter Çipa është autor i 18 librave të botuar me poezi si : "Bejkë e bardhë", "Bilbilat e vendit tim", "Shqipëri moj ballëhapur", " Këngët e Ruzanës", "Dheun tim përsipër mbaj", "Për Kosovën prapë do të ngrihem", "Kënga që tret lotin", "Këngët e Akroqeranit","Princi i Dashurise", etj. Konsiderohej "princi i sotëm" i polifonisë shqiptarë.
Ka qenë autori më kreativ i polifonisë gjatë 40 viteve të fundit. Njëri prej studiuesve dhe hulumtuesve të poezisë orale popullore në trevat jugore të vendit. Autor i mbi 1250 këngësh të interpretuara nga grupet e famshme polifonike si ai i Pilurit (udhëheqës artistik i të cilit ka qenë për mbi 40 vjet, grupet polifonike të Himarës, Bënçës, Dhërmiut, Gjirokastrës, Vlorës, Lapardhasë, Ansamblit Shtetëror të Këngëve dhe Valleve si dhe dhjetëra ansambleve të tjera artistike në Shqipëri, Kosovë, Maqedoni etj.
Lefter Çipa është edhe autori i papërsëritshëm i këngëve të vlerës së lartë artistike dhe muzikore si "Bejkë e bardhë", "Vijnë djemtë nëpër vapë", "Nga kjo baltë e kësaj toke", "Naim Shqipëria", "Shqipëri pse të qan syri", "Zoga kaçake në male", "Këngë kurbeti", "Vito Pëllumbesha", "Hënëz e qiellit të gjerë", "Moj unaza gur jeshile", "N sokak të ngushtë", "O shokë vdekça nga kënga", "Lundroj në lundrën e këngës", "Kënga e manushaqes", " Zonjë e bukurisë", etj.
Ka qënë pjesmarrës me krijimet e veta në 6 Festivale Folklorike Kombëtare të zhvilluara në Gjirokastër, Berat dhe Lezhë duke qënë i lauruar në çdo Festival Kombëtar.
Lefter Çipa mbahet mend si bashkëorganizatori nismëtar i trios së famshme Vlonjate. Do të mbetet burimi ku ushqehen shumica e këngëtarëve dhe kompozitorëve të sotëm modernë shqiptarë dhe ku shumica e këngëtarëve kanë preferuar që në repertorin e tyre të kenë të kryerenditur poezitë dhe lirikat befasuese të këtij autori.
Kryetari i Kuvendit, Gramoz Ruçi, ka shkruar një mesazh për ndarjen nga jeta të artistit Lefter Çipa.
Ai shkruan se Lefter Çipa është magjistrati i polifonisë shqiptare, ai qëndron me dinjitet në sofrën e këngës dhe të muzikës shqiptare.
“Me shijet e tij prej aristokrati të polifonisë, na përcolli të gjithëve magjinë e jetës dhe botës shqiptare.”, shkruan kreytari i kuvendit.
Sipas Ruçit artisti ishte njëkohësisht poet, muzikant, dirigjent, interpret, koreograf e valltar dhe tekstet e tij këndojnë, pikturojnë, vallëzojnë, frymëzojnë dhe rikrijojnë dashurinë, bardhësinë dhe ëmbëlsinë e jetës së shqiptarëve.
Mesazhi i plot i Ruçit:
"Lajmi për ndarjen nga jeta të Lefter Çipës na pikëlloi të gjithëve.
Leferi Çipa është magjistrati i polifonisë shqiptare.
Lefteri qëndron me dinjitet në sofrën e këngës dhe të muzikës shqiptare.
Me shijet e tij prej aristokrati të polifonisë, na përcolli të gjithëve magjinë e jetës dhe botës shqiptare.
Lefter Çipa është një artist shumështresor. Ky bilbil i këngës shqiptare ishte njëkohësisht poet, muzikant, dirigjent, interpret, koreograf e valltar.
Lefter Çipa ribashkoi, njëlloj si në kohët antike, kodet e gjinive të arteve dhe pasqyroi me sqimën e tij origjinale më të mirën e bukurive shqiptare, sidomos të viseve të Pilurit, Hiumarës, Labërisë, Toskërisë dhe Çamërisë.
Tekstet e tij këndojnë, pikturojnë, vallzojnë, frymëzojnë dhe rikrijojnë dashurinë, bardhësinë dhe ëmbëlsinë e jetës së shqiptarëve.
Muza e poezisë së tij ushqeu dhe do të vazhdojë këngën, shpirtin, zemrat dhe jetët e shqiptarëve."
Kryeministri Edi Rama ka shkruar një mesazh ngushëllimi për ndarjen nga jeta të poetit Lefter Çipa.
‘LEFTER ÇIPA ishte zëri gurgullues i bregut shqiptar, që i dha jetë një thesari perlash polifonike dhe sot iku nga kjo botë, duke lënë pas jehonën e pashuajtshme të perlave të tij.’- shkruan Rama.
Presidenti Ilir Meta ka reaguar për ndarjen nga jeta të ‘Princit të Polifonisë’, Leftër Çipës.
Meta shkruan se Familjes Çipa, komunitetit të dashur të Pilurit kuqezi, gjithë poetëve dhe polifonëve, ju përcjell ngushëllimet më të ndjera për këtë humbje të pazëvendësueshme, që na lëndoi të gjithëve.
‘Dhembje e trishtim nga lajmi, që nuk do donim ta merrnin kurrë, legjenda e poezisë dhe e polifonisë shqiptare, Nderi i Kombit, Lefter Çipa, u nda sot prej nesh.
Krijuesi brilant i Bregut, me frymëzim thellësisht kombëtar, iku në përjetësi, për të na lënë të gjithëve një trashëgimi të vyer artistike e kulturore, ku spikatin perlat e polifonisë shqiptare të krijuara mjeshtërisht prej tij dhe që do këndohen në jetë të jetëve, sa të ketë shqiptarë.
Familjes Çipa, komunitetit të dashur të Pilurit kuqezi, gjithë poetëve dhe polifonëve, ju përcjell ngushëllimet më të ndjera për këtë humbje të pazëvendësueshme, që na lëndoi të gjithëve.
Lefter Çipës i jeton poezia, i jeton kënga, i jeton shpirti kuqezi! I paharruar kujtimi i tij!’- shkruan Meta.
Komente
Lajme të tjera
-
‘Këngët e atdheut tim’, mbrëmje gala me krijimtarinë e Lefter Çipës/ Irini Qirjako: E adhuroja, shënjoi karrierën time! E bija: Amaneti i tij, sot telefoni im i hapur
29 Prill, 16:03
-
Lukova mbledh pushues nga gjithë bota, në Spile protestat zvogëlojnë Himarën
14 Gusht 2023, 19:30
-
DW: PD model i ri politikëbërje me liderë të vjetër?
7 Korrik 2023, 08:56 -
"Kur Sigurimi Shtetit thirri Lefterin në Vlorë për këngën e anijes ‘De Rada’, pilurjotët i çuan fjalë Hysni Kapos, i cili..."/ Si shpëtoi nga burgu, 'Lasgushi' i Bregut?
4 Tetor 2022, 07:42
-
Ike Uliks i kohëve të vështira!
18 Shkurt 2022, 10:52
-
Pas vdekjes së poetit Arben Duka, ndërroi jetë edhe i biri në SHBA! Miqtë kërkojnë ndihmë: Funerali ka kosto të larta, të mbështesim familjen
4 Shkurt 2022, 14:17 -
Vdekja tragjike e Denisit, rrëfimi i nëna Pranverës: E dërguam në SHBA pasi na e rrëmbyen njerëzit e Berishës! Ja amaneti i Benit për të
4 Shkurt 2022, 11:25 -
122 vjet nga lindja e princit të poezisë, Lasgush Poradeci! Rrëfehet e bija e poetit: Babai për kohën që jetoi nuk u vlerësua! Një vend bëhet kur mendon për kulturë
27 Dhjetor 2021, 17:04
-
Lezhë/ Akordohen çmimet 'At Gjergj Fishta' në gazetari, botuesi: Surprizë vërtet e këndshme
22 Tetor 2021, 20:36 -
Debati/ Arlinda Guma: Ç'vlera mund t'iu përcjellë të rinjve një festival letrar, Diana Çuli, kur akt ekpertiza e së cilës dërgoi për pushaktim dy poetë?
12 Tetor 2021, 21:25
-
Reportazh/ Në gjurmët e Ndre Mjedës! Dom Nik Ukgjini na rrëfen Kuklin, vendin ku shkroi veprat poeti i madh
19 Gusht 2021, 10:15
-
33 vite nga ekzekutimi i poetit disident Havzi Nela! Familjarët vazhdojnë të kërkojnë dënimin e komunistëve
10 Gusht 2021, 19:52
Urgjentisht policia duhet mar masat sepse ne shtepin e Lefter Cipes per varrimin e tij jan mbledhur mbi 50 veta per moment. Pse policia e lejon dicka te tille ne Himare? Ne gjithe shqiperi ligji eshte njesoj po pse ketu nuk mer masat dhe gjobat?
PërgjigjuIsoja jote me ligjeron ne vesh , ajo nuk ndalet kurre si valet e detit, era e trendelines, gurgullima e lumenjeve, .Shpirti yt ne paqe te perjetshme. Do te percjellim me bejken e bardhe qe e doje aq shume o shqiptar i trojeve tona.
PërgjigjuDo te duhen edhe qindra vjet per t`u harruar emri i ketij bilbili!! Dheu i lehte i qofte!! Ngushellime familjes!
PërgjigjuTe qofte i lehte dheu, per trashegimine qe ti me shume dashuri i le. Ngushellime Aleksandrit.
PërgjigjuLamtumire poet! Te paste shpirti drite o shqiptar i madh!
PërgjigjuLamtumire legjende, i paharruar qofsh mot e jete.
Përgjigju