POP 5

Lajmet më të lexuara të 5 minutave të fundit

Sport

Shumë zhurmë për zero gola, paqe në 'El Clasico'! Juventus i vetëm në krye

Spektakël dhe emocione por jo gola. El Klasiko Barcelona-Real Madrid u mbyll në paqe dhe ekipet mbeten në bashkëkryesim me nga 36 pikë. Cristiano Ronaldo shënoi një gol fantastik dhe i dha fitoren 2-1 Juventusit ndaj Sampdorias. Liverpuli arriti në finalen e Botërorit të Klubeve ndërsa fiton Bajerni në Gjermani.

Shumë zhurmë për zero gola, paqe në 'El Clasico'! Juventus i vetëm në krye

Nuk ndodhte prej 17 vitesh që një “El Clasico” të përfundonte 0-0. Rezultati i bardhe u rikthye mbrëmjen e djeshme në “Camp Nou” ku Barcelona dhe Real nuk arritën të shënonin dhe ndanë pikët. Shumë zhurmë për asnjë gol në ndeshjen e prapambetur me skuadrën e Zidane që luajti më mirë, pati më shumë raste kërkoi edhe penallti por nuk shënoi dot.Në fraksionin e parë ishin rastet më të pastra por Pique e Sergio Ramos bënë shpëtimtarin në vijën fatale. Asnjë skuadrër nuk u shkëput dot dhe ekipet vijojnë të ndajnë kreun me nga 36 pikë.

Juventusi fitoi 2-1 në Marassi ndaj Sampdorias në ndeshjen e javës së 17-të dhe shkon 3 pikë më shumë se Interi në krye. Dybala kaloi bardhezinjtë në avantazh që në minutën e 19-të por ekipi i drejtuar nga Ranieri barazoi me golin e shënuar nga Caprari. Përballjen e vendosi një gol fantastik i Cristiano Ronaldos në fundin e fraksionit të parë . Portugezi fluturoi 256 cm ,mbi mbrojtësin Murru dhe me kokë i dha tri pikët Juventusit.

Fitorja e dytë radhazi e ngjit Bayern Mynih në vend të tretë në Bundesligë. Rezultati 3-1 ndaj Freiburg erdhi në kohën shtesë me golat e Zirkzee dhe Gnabry ndërsa me herët kishte shënuar edhe polaku Lewandowski.
Liverpool- Flamengo është finalja e Botërorit të Klubeve që do të luhet të shtunën. Roberto Firmino erdhi nga pankina për t’i dhënë kualifikimin skuadrës së Klopp që fitoi vetëm në kohën shtesë 2-1 ndaj Monterrey. Më herët kishte shënuar edhe Keita./ Përgatiti Andi Kapxhiu
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Macron i përmend Kurtit Asociacionin teksa flet për rrugën e Kosovës në Këshillin e Evropës

Macron i përmend Kurtit Asociacionin teksa flet për rrugën e Kosovës në Këshillin e Evropës

23 Prill, 22:58