Një tjetër person ka ndërruar jetë nga koronavirusi në qendrën gjysmëautomune financiare kineze të Hong Kongut. Rasti shënon viktimën e dytë në Hong Kong dhe të 6-tën në rang global pasi 4 persona kanë humbur jetën nga Covid-19 jashtë Kinës, në Tajvan, Filipine, Japoni dhe Francë.
Sipas autoritetit spitalor viktima ishte një i moshuar 70-vjeçar, i cili u diagnostikua me virusin më 14 shkurt, përpara se të pranohej në Spitalin Princesha Margaret. 62 persona konfirmohen të infektuar deri tani në Hong Kong, ndërsa dy janë viktima të koronavirusit.
![](https://shqiptarja.com/template/img/NO_ALFA_Kuadrate shqiptarja.png)
Viktima e parë nga virusi vdekjeprurës ishte një burrë 39-vjeç. Personi, i cili ndërroi jetë në 4 shkurt ishte bartës edhe i një sëmundje kronike. Ai mori trenin ekspres nga Hong Kongu për në epiqendrën e virusit të Wuhan më 21 janar dhe u kthye në qytet më 23 janar.
Hong Kongu ka mbyllur përkohësisht disa nga kufijtë e saj me Kinën dhe ka ndaluar dhënien e lejeve të udhëtimit për turistët kontinent.
Lajmi kryesor:
Mbi 2,000 viktima nga koronavirusi, shënohet vdekja e 6-të jashtë Kinës, Pompeo thirrje Pekinit për transparencë mbi virusin
![](https://www.shqiptarja.com/template/img/sh_logo1.png)