Reagimet e pështira që pasuan intervistën e Fatos Nanos janë jo vetëm të egra, por dhe me shumë alarm brenda për Sali Berishën.
Po përse? Fakti që Fatos Nano sulmoi Sali Berishën dhe Ilir Metën, dhe jo Lulzim Bashën, nuk duhet të përbënte shqetësim për opozitën, pasi ata thonë kemi Lulin kandidat për kryeministër. Ai nuk tha asgjë të keqe për Bashën e në këtë aspekt, as kishte pse ngjallte kaq histeri opozitare.
Arsyeja reale është se intervista e Fatos Nanos provoi se kush është opozita reale, kush po tenton të vijë në pushtet dhe pse opozita nuk e fsheh dot të shkuarën e saj kriminale.
Për herë të parë në historinë e tij Fatos Nano i ka bërë Sali Berishës sulmin më të strukturuar nga pikëpamja intelektuale, politike dhe njerëzore. I ka kujtuar se prej sa erdhi në pushtet në vitin 1992, vdiq si intelektual dhe u kthye në një përndjekës ordiner i rivalit politik, duke u kujdesur për çdo detaj për arrestimin e tij, burgosjen, persekutimin, linçimin, deri tek dramat familjare.
Sali Berisha për vite të tëra ka qenë hetuesi personal i Fatos Nanos, përzgjedhësi i gjykatësit, prokurorit, persekutuesi i avokatit, dhe survejuesi i familjes së tij.
Kjo është një e vërtetë turpëruese, e provueshme me dhjetëra dëshmitarë, që do të mjaftonte ta mbulonte me turp çdo intelektual, përveç Sali Berishës.
I ka kujtuar se është autor i politikës së konfliktit në Shqipëri, duke vënë theksin tek vdekja e tij si politikan më 21 janar, kur ai ishte i gatshëm të vriste për të mos u përballur me drejtësinë.
Ai e ka vizituar atë dhe Ilir Metën si gjeneruesit më të mëdhenj të konfliktit politik në Shqipëri, dhe një nga shkaktarët e mëdhenj që Shqipëria sot ende nuk është pjesë e Bashkimit Europian.
Por problemi real i opozitës është se ka 30 vjet si të fshehë Sali Berishën, dhe jo si të ndryshojë opozitën duke u ndarë nga Sali Berisha. Dhe befas Fatos Nano ua mori kufomën e Sali Berishës dhe ua nxori shqiptarëve duke kutërbuar dynjanë.
Tani problemi moral që ka Partia Demokratike është se duhet të mbrojë Sali Berishën duke ja quajtur pozitive të gjithë këto krime, duke ja quajtur pozitive faktin që brenda një viti në pushtet në vitin 1992, ai u shndërrua nga politikan, në hetues, për të persekutuar dhe arrestuar kundërshtarin e tij dhe me këtë dimension konfliktualiteti po vazhdon të diktojë në politikën shqiptare.
Kanë filluar t’i kujtojnë Fatos Nanos bashkëpunimet me Berishën, luajalitetin me të, madje dhe faktin që edhe atëherë i kishte vdekur nëna, por nuk e paska përmendur.
D.m.th. sipas këtyre të alarmuarve nga Fatos Nano, Sali Berisha ka të drejtë t’i bëjë të gjitha këto që ka bërë, secilin prej këtyre krimeve, ka të drejtë dhe të jetë kandidati i pari i Tiranës më 2021, kurse Fatos Nano nuk paska të drejtë t’ia kujtojë, duke qenë dhe viktimë e tij. Se po ja kujtoi pastaj është i korruptuar, jo si Sali Berisha, se atij i takon të jetë dhe i korruptuar tani, se i janë rrit fëmijët dhe i kanë ata lekët.
Kjo përballje e papritur me të shkuarën e Sali Berishës, me të cilin i përballi Fatos Nano, është tmerri i vërtetë i opozitës nga intervista e tij. Atë të shkuar që ata duhet ta zhbënin vetë, ta reformonin, të distancoheshin dhe të ishin të lirë prej saj, sot jo vetëm që u duhet ta mbrojnë, por u duhet të duken të gjithë si Saliu, që të jenë solidarë me të.
Duke u përpjekur ta mbajnë të balsamosur kufomën e Sali Berishës, opozitarët tanë po shkojnë drejt 25 prillit me shpresë se ajo kufomë do të rezistonte pa u prishur.
Fatos Nano e vjetëroi PD-në për 30 minuta, vetëm duke e zbuluar kufomën dhe duke e nxjerrë në diell.
Befas të gjithë panë se gjëja më e vjetër, më primitive dhe më e ligë e politikës shqiptare po kërkon të ngrejë sërish kokë përmes PD më 25 prill. Ai është Sali Berisha. Dhe kanë nisur grisin faqet e fytyrën për gjëmën që i ka gjetur.pd
Komente
Lajme të tjera
-
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37
Mero Baze ke shum të drejt për komentin tënd. Ardhja e salmut bershurës në krye të Shqipris ka qen mallkimi më i rënd për Shqiprin. Po ishalla ky malok kërm zhduket përfundimisht nga qarkullimi se është helmi më vdekheprurës i popullit Shqiptar.
PërgjigjuMero Baze dhe Karlo Bolino kandidate per medaljen e arte te Gazetarit. Gazetare profesionist, kurajoz, trim, demokrat perparimtare. Mirenjohje dhe respekt per keta tribune te penes shqiptare!
PërgjigjuBRAVO MERO,,,PARAGRAFI I FUNDIT ISHTE SHUME I BUKUR,,,JE ANALISTI ME I MIRE NE SHQIPERI..
Përgjigju