POP 5

Lajmet më të lexuara të 5 minutave të fundit

Sociale

Si u festua Pavarësia në disa qytete, Kruja e Skënderbeut përkujton 28 nëntorin e 1443

Sot në mbarë vendin u kremtua 111-vjetori i Shpalljes së Pavarësisë së Shqipërisë. Ndërsa në Krujë, ndryshe nga qytetet e tjera u përkujtua 28 nëntori i 1443-shit, kur Skënderbeu ngriti Flamurin në kalanë e këtij qyteti.

Kruja kremtoi  28 nëntorin e vitit 1443, kur Gjergj Kastrioti Skënderbeu ngriti flamurin kombëtar po në atë qytet.

Në aktivitetin kulturor “Nata e Skënderbeut” morën pjesë politikanë historianë dhe studiues nga Shqipëria e Kosova, si deputetja Ganimete Mysliu dhe ish-shefi i Shtabit, Bardhyl Kollçaku.

Në mënyrë simbolike në kalanë e Skënderbeut u ngrit flamuri njësoj si 580 vite më parë.

Radhët e gjata përfshinë pikën kufitare të Morinës pasi me flamuj kuqezi e kënge patriotike, qindra shqiptarë të Kosovës erdhën në Sqhipëri për festën e Pavarësisë.

Po ashtu, qytetarë të shumtë mbushën sheshin e Fierit, ku u krye ceremonia solemne e Pavarësisë, me pjesmarrjen e drejtuesve lokal dhe deputetë socialistë.

Edhe në Shkodër reshjet e dendura te shiut nuk e ndalën ceremoninë për 111- vjetorin e Pavarësisë.

Kryebashkiaku i Shkodrës, Benet Beci, mes të tjerash u shpreh se për Shqipërinë dhe shqiptarët  ‘është koha të punojmë me përkushtim për të nderuar flamurin”.

Ceremonia u mbyll me vndosjen e kurorave me lule ne bustin e Patriotit Luigj Gurakuqi.

 Berat kremtoi festën e sotme në memorialin kushtuar Firmëtarëve të aktit të Pavarësisë.

Fillimisht nderimet u kryen nga deputetë socialistë e më pas, të veçuar, nga  deputetët demokratë.

Deputeti i PS, Fadil Nasufi, nga Berati tha se “Shqipëria ka bërë arritje të mëdha në çdo drejtim”.

Ndërsa, deputeti demokrat, Tomor Alizoti u shpreh se Shqipëria është në një situatë kritike për mirëqenien e saj.

 "Shqipëria është sot në njē rrezik shumë të madh, në një krizë të theksuar politike,ekonomike dhe të identitetit",- tha ai.

Korça nisi Festën e Flamurit me interpretimin e Bandës së Qytetit dhe më pas u mbajt një meshë në katedralen Ringjallja e Krishtit. Mes të pranishme në ceremoni dhe ministri i Mbrotjes, Niko Peleshi.

Lezha kremtoi 111-vjetorin e Shpalljes së Pavarësisë së Shqipërisë me anë të një ceremonie pranë obeliskut të "Besëlidhjës", ku u ngrit flamuri dhe u vendosen kurora me lule nga autoritetet lokale.

Veprimtaritë për Ditën e Flamurit u mbyllën me një koncert festiv, me protagonistë nxënësit e shkollave të qytetit.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

New York Times: Votoni kundër Trump, ai është një rrezik për demokracinë

New York Times: Votoni kundër Trump, ai është një rrezik për demokracinë

2 Nëntor, 20:15