TIRANE- Operacioni për ekstradimin në Itali, ku ishte dënuar me 32.6 vite burg për trafik droge, i biznesmenit nga Fieri, Arben Gropa, ka shumë gjasa që të jetë dekonspiruar. Kjo pasi menjëherë sapo ministri i Drejtësisë Nasip Naço ka firmosur “pro” ekstradimit të Gropës, pesë ditë pas kësaj firme Arben Gropa është zhdukur nga banesa e tij që ndodhet në rrugën “Ferida Bega” në lagjen “Liri”, dhe policia ende nuk e di vendodhjen e tij.

Askush nuk është në gjendje të shprehet se si është e mundur që Gropa ka qenë në dijeni të firmosjes së ekstradimit të tij drejt Italisë nga ministri Nasip Naço. Gropa, jo vetëm që ka mësuar mbylljen e çështjes së tij, por njëherësh gjatë kësaj kohe ka arritur të thurrë dhe një plan të detajuar për t’u arratisur, duke ju shmangur ekstradimit në Itali.