POP 5

Lajmet më të lexuara të 5 minutave të fundit

Kronikë

Si u kamuflua Orges Bilbli duke marrë shtëpi në Tiranë në emër të një vajze

Detaje të reja kanë dalë në dritë lidhur me Orges Bilbilin, i dyshuar si vrasës me pagesë dhe i përfshirë në atentatin e Prokurorit Arjan Ndoja. 

Si u kamuflua Orges Bilbli duke marrë shtëpi në Tiranë në emër të një vajze

Orges Bilbili

TIRANË- Detaje të reja kanë dalë në dritë lidhur me Orges Bilbilin, i dyshuar si vrasës me pagesë dhe i përfshirë në atentatin e Prokurorit Arjan Ndoja.  Burime për Report Tv bëjnë me dije se ai jetonte në një apartament me qira në Tiranë, i cili është në emër të një vajze. Pyetur nga organi i akuzës ajo ka mohuar të ketë lidhje apo njohje me Orges Bilbilin. I gjithë kalvari i kësaj historie nis kështu: pronari i shtëpisë ia ka dhënë me qira shtëpinë kësaj vajze, identiteti i së cilës nuk dihet ende. Vajza më pas, këtë banesë ia ka dhënë Bilbilit dhe shokt të tij të dhomës me inicialet A.K., i cili është larguar nga shtëpia pasi dëgjoi në lajme arrestimin e Bilbilit. Pyetur nga Prokuroria, vajza është shprehur se nuk ka asnjë lidhje,  teksa mbetet mister roli i saj, teksa po bëhen hetime për lidhjen që mund të ketë ajo me Bilbilin.

Si u arrestua Orges Bilbili
Pas më shumë se dy vite në kërkim për atentate, vrasje e ngjarje të tjera kriminale, Orges Bilbili u arrestua në një kohë kur vendi është në shtetrrethim. Ai lëvizte nëpër Tiranë lirshëm e ndër të tjera me armë me vete. Ai u spikat dje në rrugë nga një efektiv i forcave Shqiponja në zonën e Xhamllikut në Tiranë, ku pasi efektivi i kërkoi kartën e identitetit, Bilbili nxori armën nga çanta dhe në një moment pasi ka vrapuar dhe është ndjekur nga efektivi, i ka nxjerrë armën duke i thënë të largohet ose ndryshe do ta qëllojë. Efektivi e mori situatën në dorë ku ka mundur që pas një të shtëne në ajër dhe në kushtet kur Orges Bilbili nuk po dorëzohej, e ka plagosur në këmbë.Nga kjo ngjarje, u plagos në këmbë edhe një qytetare këmbësore e rastësishme me inicialet M.P, e cila së bashku me Bilbilin, ndodhen jashtë rrezikut për jetën nën kujdesin e mjekëve në Spitalin e Traumës.

Kush është Orges Bilbili
Në tetor 2019, Orges Bilbili së bashku me Lart Haxhiun, vranë Besmir Hidën 40 vjeç, baba i dy fëmijëve, i cili u ekzekutua në qendër të qytetit të Lushnjes teksa ishte duke pirë kafen në katin e dytë të një lokali. Po ashtu ai është i përfshirë edhe për ngjarjen e 11 shtatorit 2017 pranë policisë së Lushnjes ku humbën jetën Jurgen Hoxha dhe Samir Latifi. Bilbili njihet si bashkëpunëtori i Laert Haxhiut në vrasjet e Lushnjes në 2017, rezulton se është dënuar me 7 vite e 4 muaj burgim për trafikim lëndësh narkotike. Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili, ndërsa ka qenë i përfshirë edhe në dosjen e pilotit italian të drogës Giorgo Riformato.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lina: 22/04/2020 06:04

    Te hapen dhe te sherbehet me plastike se ate Kan burim jetese

    Përgjigju
  • Kafsha: 20/04/2020 07:20

    Bajge llum batak i shoqerise! Hidheni ne erresire te perjetshme të gjeje qetesi shoqeria!

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15