POP 5

Lajmet më të lexuara të 5 minutave të fundit

Kronikë

Zbardhet dëshmia e vajzës që ndihmoi Orges Bilbilin të fshihej: Njihja shokun e tij, flisnim në Facebook po m'u prezantua me emër tjetër

Report Tv zbardh deklaratën përpara grupit hetimor të vajzës që ndërmjetësoi për të lidhur kontratën e qirasë për Orges Bilbilin dhe A.Kaloshin e shpallur në kërkim.

TIRANË- Report Tv zbardh deklaratën përpara grupit hetimor të vajzës që ndërmjetësoi për të lidhur kontratën e qirasë për Orges Bilbilin dhe A.Kaloshin e shpallur në kërkim. Burime konfidenciale bë me dije se në deklaratën e dhënë, vajza me inicialet J.Xh ka thënë se nuk e njihte Bilbilin, por se kishte lidhje me A.Kaloshin. Ajo është shprehur e kishte pasur kontakte me A. Kaloshin në rrjetin social Facebook, duke shtuar se nuk e njohte si A, Kaloshi, por me emrin "Mario". 

Orges Bilbili u arrestua në Tiranë disa ditë më parë teksa vendi ishte në shtetrrethim.  Ai u spikat dje në rrugë nga një efektiv i forcave Shqiponja në zonën e Xhamllikut në Tiranë, ku pasi efektivi i kërkoi kartën e identitetit, Bilbili nxori armën nga çanta dhe në një moment pasi ka vrapuar dhe është ndjekur nga efektivi, i ka nxjerrë armën duke i thënë të largohet ose ndryshe do ta qëllojë. Efektivi e mori situatën në dorë ku ka mundur që pas një të shtëne në ajër dhe në kushtet kur Orges Bilbili nuk po dorëzohej, e ka plagosur në këmbë. Nga kjo ngjarje, u plagos në këmbë edhe një qytetare këmbësore e rastësishme me inicialet M.P, jashtë rrezikut për jetën. Pas më shumë se dy vite në kërkim për atentate, vrasje e ngjarje të tjera kriminale, Orges Bilbili  lëvizte nëpër Tiranë lirshëm e ndër të tjera me armë me vete.

Kush është Orges Bilbili
Në tetor 2019, Orges Bilbili së bashku me Lart Haxhiun, vranë Besmir Hidën 40 vjeç, baba i dy fëmijëve, i cili u ekzekutua në qendër të qytetit të Lushnjes teksa ishte duke pirë kafen në katin e dytë të një lokali. Po ashtu ai është i përfshirë edhe për ngjarjen e 11 shtatorit 2017 pranë policisë së Lushnjes ku humbën jetën Jurgen Hoxha dhe Samir Latifi. Bilbili njihet si bashkëpunëtori i Laert Haxhiut në vrasjet e Lushnjes në 2017, rezulton se është dënuar me 7 vite e 4 muaj burgim për trafikim lëndësh narkotike. Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili, ndërsa ka qenë i përfshirë edhe në dosjen e pilotit italian të drogës Giorgo Riformato.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Taulant: 21/04/2020 18:54

    Kur bejne dhe keto shurrdhesat si te zgjuara. Nuk e njihja me emrin e vertete, por mora shtepi me qira per llogari te tij.

    Përgjigju
  • Juju: 21/04/2020 12:05

    Normalisht duhet te isolohen sepse e transmetojne te ne popullsia qe rrime brenda .

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Opozita protestë marshim në Shkodër/ Report Tv sjell pamjet me dron, shikoni pjesëmarrjen

Opozita protestë marshim në Shkodër/ Report Tv sjell pamjet me dron, shikoni pjesëmarrjen

2 Nëntor, 15:12