Siguria dhe disiplina/ Miratohet Rregullorja e Kuvendit, Hysi: Nuk synojmë rikthimin e imunitetit të deputetëve

Komisioni i Ligjeve miratoi sot në parim projektvendimin për disa ndryshime në rregulloren e Kuvendit të Shqipërisë. Lidhur me pikën që lidhet me imunitetin e deputetëve, realtorja Vasilika Hysi sqaroi se ndryshimet nuk synojnë rikthimin e imunitetit te deputetët. Neni 18 parashikon që për caktimin e masës së sigurimit të arrestit me burg, ose në shtëpi, për kontrollin e deputetit i paraqitet Kryetarit të Kuvendit nga deputeti. 

Ndryshime u bënë dhe sa i përket shërbimit të sigurisë në Kuvend pasi Presidenti, Kryetari i Kuvendit, Kryeministri, Prokurori dhe ambasadorët përjashtohen nga kontrolli fizik. Masa disiplinore do vendosen edhe për deputetët të cilët lobojnë në Kuvend dhe pranojnë dhurata.

Mbledhja e Komisionit të Ligjeve nisi me debate pasi deputeti i dalë nga listat e PD-së dhe njëherësh kreu i Ballit Kombëtar Adriatik Alimadhi kërkoi që të njihej edhe me propozimet e opozitës. Kërkesa e tij është rrëzuar nga deputetët e PS, duke bërë që Alimadhi të braktiste mbledhjen. Ky projektvendim do të kalojë në seancën e ardhshme plenare për tu miratuar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen