Receta

Simite briosh me mollë dhe kanellë nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 22 Prill 2020, 10:18 | Përditesimi: 22 Prill 2020, 10:47

Simite briosh me mollë dhe kanellë

Përbërësit:

Brumi:

LEXO EDHE:
Tavë me lakër arme dhe kimë nga zonja Albana

1 vezë plus 1 të verdhë veze

2 lugë gjelle sheqer

1/2 lugë kafeje kripë

2 lugë gjelle kos

150 ml qumësht

7 gr maja e thatë

500-550 gr miell

50 gr gjalp

Mbushja

3 mollë

2 lugë gjelle sheqer

1 lugë kafe kanellë

Përgatitja:

Në një tas fillimisht vendosim vezët, sheqerin, kripë dhe kos. I përziejmë mirë derisa të na formohet një masë homogjene. Shtojmë qumeshtin, majan, dhe vazhdojmë përzierjen. Shtojmë pak nga pak miellin duke e përzierë dhe në fund shtojmë gjalpin në temperaturë ambienti ose të tretur pak.

Përziejmë mirë brumin derisa mos të na ngjitet nëpër duar dhe e vendosim në një enë të mbuluar me celefon. E lëmë një orë të pushojë. Ndërkohë pastrojmë mollët dhe i presim në feta si fetat e portokallit. Në një tas vendosim 2-3 lugë gjelle sheqer plus kanellë. Pasi të ketë kaluar koha e ardhjes së brumit e largojmë nga tasi duke e shtypur pak me duar, por jo ta punojmë. Me kujdes e vendosim në tavolinën e punës dhe hapim një petë të trashë 3-4 mm. Me ndihmën e një gote uji ose të një forma të rrumbullakët bëjmë disa rrathë. Lyejmë fetat e mollës me sheqer dhe kanellë dhe i vendosim në mes të cdo rrethi brumi. Bashkojmë pjesët anësore të rrethit, duke fiksuar mollën brenda. Në një tepsi me diametër 30 cm vendosim brioshët e mbushur me mollë duke krijuar një rreze, brumin që tepron e bëjmë kulaç dhe e vendosim në qendër. Lyejmë në fund brioshët me të verdhë veze dhe pak qumësht. I vendosim në furrë për 30 minuta, në temperaturë 180 gradë Celsius.

D.M./Shqiptarja.com

TAG: