/ATSH-AFP/ - Të paktën 28 persona, pjesa më e madhe civilë, humbën jetën sot në mëngjes nga mombardimet e regjimit në Al-Bab, një qytet sirian të kontrolluar nga grupi i Shtetit Islamik në provincën veriore të Alepo, njoftoi një OJQ.

"Mes 28 të vdekurve bëjnë pjesë 19 civilë, tre prej të cilëve fëmijë dhe tre gra", theksoi Observatori sirian për të Drejtat e Njeriut që disponon një rrjet të gjerë burimesh në mbarë Sirinë.

"Për nëntë trupat e tjerë që ishin karbonizuar, ishte e pamundur të thuash nëse bëhej fjalë për civilë apo anëtarë të Shtetit Islamik", theksoi Rami Abdel Rahmane, drejtor i OSDH-së.