Situata e zjarreve në vend mbetet ende kritike, edhe për shkak të temperaturave të larta dhe erës që i favorizon herë pas here, duke shkaktuar dëme të konsiderueshme në biodiversitetin shqiptar.
Ministria e Mbrojtjes dhe Emergjencat Civile ndanë sot (16 Gusht) informacionet e detajuara për operacionet antizjarr dhe ngjarjet e referuara në 24 orët e fundit, teksa në terren ndodhen të paktën 1245 forca të ndryshme; ushtrie, policie, zjarrfikësish e specialistësh. Madje mes tyre edhe 130 vullnetarë, kurse nga ajri punojnë dy avionët e ardhur nga Rumania dhe helikopteri.
Njoftohet se janë raportuar dhe u punua e po punohet për shuarjen e 29 vatrave të zjarrit. Nga këto mësohet se 15 u shuan dhe 14 janë ende aktive. Vatrat më problematike mbeten ato në Parkun Kombëtar të Tomorit në Berat, "Malit të Thatë" në Parkun e Prespës në Korçë, bjeshkët e Bolotekut dhe Tërnovës në Dibër.
“Për izolimin dhe shuarjen e plotë të vatrave të zjarrit janë angazhuar 320 forca zjarrfikëse, 238 forca ushtarake, 250 struktura të emergjencës civile të pushtetit lokal, 120 nga administrata e zonave të mbrojtura, 187 shërbimi pyjor, si dhe 130 vullnetarë”, njoftoi MM.
Gjithashtu sqarohet se forcat ajrore dhe mjetet ajrore janë në gatishmëri të plotë.
“Gjatë ditës së sotme, strukturat operacionale në nivel vendor dhe qendror janë angazhuar për shuarjen dhe izolimin e vatrave të zjarrit që mbeten active, ndërsa vijon mbështetja nga ajri do të vijojë me ekipin rumun”, thekson ministria.
Dhe në fund u bëhet apel qytetarëve dhe veçanërisht fermerëve, “që në këtë situatë me temperatura shumë të larta, të kontribuojnë në reagimin e hershëm dhe të respektojnë procedurat dhe aktet ligjore për ndezjen e zjarreve”.
Sipas hetimeve dhe precedentëve të deritanishëm, shumica e zjarreve në zonat e banuara janë rezultat i papërgjegjshmërisë së fermerëve në ndezjen dhe administrimin e zjarreve, përveç rasteve kriminale që janë objekt i hetimeve nga organet e drejtësisë.
Lajme të tjera
-
Video/ Dita e pestë e zjarrit në majën e malit të Tomorit, avioni rumun hedh tonelata uji nga ajri në vatrën më aktive
16 Gusht, 12:27 -
Java e vështirë e zjarreve, Vëngu: 10 vatra janë ende aktive, gatishmëria është rritur! Flakët vijojnë të djegin Parkun Kombëtar të Prespës
15 Gusht, 15:44 -
Zjarret, mbërrijnë në Shqipëri dy avionë rumunë për ndërhyrje në vatrat më kritike
14 Gusht, 10:47 -
Situata nga zjarret në vend/ Mbërrijnë në Shqipëri dy avionë rumunë për ndërhyrje në vatrat më kritike! Vendosen në bazën e Kuçovës
14 Gusht, 07:21 -
‘Luftën’ me flakët s’e ndalin milionat që shpenzohen çdo vit nga Bashkitë e Emergjencat për t’u mbrojtur! 15 mln € në dispozicion vetëm për pushtetin vendor
12 Gusht, 20:52
-
Zjarret/ 11 vatra zjarri aktive në vend! Vijojnë të jenë aktive flakët në Parkun kombëtar të Prespës në Malin e Thatë
12 Gusht, 10:44 -
Ushtria e Shqipërisë dhe Kosovës stërvitje të përbashkët nën mbikqyrjen e SHBA
12 Gusht, 09:12 -
Hapet pas 32 vitesh tuneli nënujor i Porto Palermos, Rama: Rijetëzojmë godinat ushtarake e muze për Luftën e Ftohtë, e kthejmë destinacion turistik
11 Gusht, 07:39 -
Maqedoni e Veriut/ Vatër e madhe zjarri prej 3 ditësh në Malin e Thatë, flakët afër parkut të Prespës, në Korçë! Po punojnë për shuarje edhe 3 helikopter
10 Gusht, 21:45
-
8 vatra aktive zjarri në të gjithë vendin, Ministria e Mbrojtjes: Nuk paraqesin rrezik për zonat e banuara
7 Gusht, 18:47 -
Zjarret në vend/ Mbrojtja Civile: 8 vatra janë shuar, 11 aktive
4 Gusht, 16:44 -
FOTOT/ Pilotët stërvitje në kushte të vështira, dronët 'Bayraktar' zhvillojnë fluturimet e para natën
3 Gusht, 09:16
