Situata e zjarreve në vend paraqitet e qëndrueshme pavarësisht se në disa zona të vendit vijon të ketë vatra zjarrit aktive, ku po punohet për shuarjen e tyre. Report Tv mëson se zjarri vijon të jetë aktiv në Konjat të Lushnjës nga i cili jane rrezikuar banesat por janë djegur tokat bujqësore.
Ministria e Mbrojtjes ka bërë me dije se gjatë ditës së sotme, një zjarr ka prekur një sipëfaqe toke në fshatin Kalivaç të bashkisë së Memaliajt dhe deri më tani raportohet se flakët po shkrumbojnë momentalisht drurë frutorë dhe ullishte. Në vendngjarje kanë shkuar forcat zjarrfikëse të Tepelenës dhe Memaliajt, të cilat po luftojnë me flakët agresive. Furia e zjarrit ka përpirë dhe kabinën elektrike që furnizon fshatin me energji dhe zonën përreth duke lënë në errësirë banorët e zonës. Sipas përllogaritjeve të deri më tani bëhet fjalë se demi është i madh pasi janë djegur gati 50 drurë frutore dhe ullishte. Zjarri po i afrohej banesave por ndërhyrja emergjente e zjarrfikësve të Memaliajt, ka shmangur tragjedinë. Po ashtu, dhe në fshatin Shtiqën të Kukësit ka pasur një vatër zjarri, i cili kërcënonte të digjte katër banesa,pas punës së zjarrfikësve u bë e mundur shuarja e flakëve.
Ministria e Mbrojtjes raporton se gjatë 24 orëve të fundit ka pasur 22 vatra zjarri, prej të cilave janë shuar 16 vatra zjarri dhe janë vijojnë të jenë aktive 6 vatra zjarri. Vatrat aktive të zjarrit raportohen konkretisht në: Maje të Zorgjit, njësia administrative Shalës, sipër fshatit Nderlysa, bashkia Shkodër; Në vendin e quajtur “Liqeni i Zi German”, në fshatin German, bashkia Mat; Gjatë ditës së djeshme kanë punuar forca të pushtetit vendor, vullnetarë dhe forca Armatosura të cilët kanë mundur të bëjnë izolimin e disa vatrave të zjarrit, operacioni do të vazhdoj edhe sot ku do të angazhohen forcat e pushtetit vendor dhe 50 efektive nga FA; Në fshatin Shetaj, bashkia Durrës, vijon puna në terren për shuarjen zjarrit të rënë më datë 19.07.2022. Gjate natës janë shfaqur dhe tre vatra te tjera zjarri qe janë ne distance rreth 500 m nga vatra kryesore. Nga bashkia e Durresit po punohet per hapjen e rrugëve per futjen e mjeteve zjarrfikëse. Operacioni vazhdon; Në fshatin Dragobi, bashkia Tropojë zjarri i rënë në një sipërfaqe malore me pemë ahu vijon të digjet me intensitet të ulët brenda vatrave të saj. Ditën e sotme kanë filluar punën për izolimin e vatrave aktive nga forcat e bashkisë dhe ADZM; Në fshatin Skuraj, vijon puna nga bashkia Kurbin, intensiteti i vatrave është më i ulët; Fshatin Mal i Bardhë, bashkia Kurbin po mbahet ne monitorim nga bashkia.
Ndërsa vatrat e zjarrit të shuara në 24 orë janë në: Fshatin Melgush dhe fshatin Rranxa, bashkia Vau Dejës; Fshatin Çernen, bashkia Dibër; Fshatin Mukje, Fshatin Derven bashkia Krujë; Fshatin Plashnik i Madh, bashkia Poliçan; Në vendin e quajtur Uznovë, bashkia Berat; Fshatin Fier i Ri dhe në fshatin Saver bashkia Lushnjë; Fshatin Petov, bashkia Fier; Në njësinë administrative Rajoni Nr.5 dhe në lagjen “Partizani” bashkia Vlorë; Fshatin Shkozë, bashkia Selenicë; Fshatin Golem, bashkia Kavajë; Fshatin Çerkezë dhe në fshatin Mjull Bathore, bashkia Tiranë; Njësia administrative Postribë, bashkia Shkodër; Fshatin Mal i Bardhë, bashkia Kurbin.
Në aksionet për shuarjen e flakëve gjatë 24 orëve të fundit janë angazhuar 562 efektivë zjarrfikës, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare, 47 mjete zjarrfikëse.
Një zjarr i madh ka prekur mesditën e sotme zonën e Konjatit në Lushnjë. Flakët kanë dalë në autostradën Lushnjë-Rrogozhinë duke rrezikuar qarkullimin e automjeteve sepse flaket dhe tymi mbuluan rrugën. Pranë vatrave të zjarrit është edhe një pikë karburanti por edhe banesat e fshatit. Në vendngjarje shkuan dy makina zjarrfikëse, policia e rendit dhe banoret e zonës. Sipërfaqja e përfshirë nga zjarri deri tani është 20 ha toke e pa mbjellë. Sipas banorëve flakët erdhën nga Gramshi, një tjetër fshat kufitar, ku vatra e pare u shfaq në mëngjes dhe në mesditë vatra u përhap nëpër tokat bujqësore dhe kanalet kullues.
Në fshatin Shtiqën të Kukës zjarri kërcënon të djeg katër banesa.
Flakët po përhapen me shpejtësi pranë oborreve të shtëpive. Banorët po mundohen të shuajnë flakët së bashku me punonjësit e zjarrfikësen e Bashkisë Kukës.
Një automjet i zjarrfikëses po mundohet të vërë flakët në kontroll.
Një zjarr ka prekur një sipëfaqe toke në fshatin Kalivaç të bashkisë së Memaliajt. Deri më tani raportohet se flakët po shkrumbojnë momentalisht drurë frutorë dhe ullishte.
Në vendngjarje kanë shkuar forcat zjarrfikëse të Tepelenës dhe Memaliajt, të cilat po luftojnë me flakët agresive. Furia e zjarrit ka përpirë dhe kabinën elektrike që furnizon fshatin me energji dhe zonën përreth duke lënë në errësirë banorët e zonës. Sipas përllogaritjeve të deri më tani bëhet fjalë se demi është i madh pasi janë djegur gati 50 drurë frutore dhe ullishte. Zjarri po i afrohej banesave por ndërhyrja emergjente e zjarrfikësve të Memaliajt, ka shmangur tragjedinë.
Lajme të tjera
-
Zjarret në vend/ Ministria e Mbrojtjes: Gjatë 24 orëve janë shuar 23 vatra, 2 aktive
4 Shtator, 13:53 -
Zjarr në masivin pyjor në fshatin Novosej të Kukësit, kërkohet ndërhyrja nga ajri! Terreni i thyer vështirëson shuarjen e flakëve
3 Shtator, 20:54 -
Zjarret në vend/ Ministria e Mbrojtjes: 25 vatra të raportuara, 19 prej tyre janë shuar! Mbetet problematike situata në Mirditë
3 Shtator, 11:18 -
Zjarret në vend, Ministria e Mbrojtjes: 22 vatra të shuara në 24 orë, 5 aktive
1 Shtator, 13:24 -
Zjarret në pyjet e Fanit dhe Oroshit në Mirditë, kryebashkiaku thirrje të ndërhyhet nga ajri: Situata është kritike
1 Shtator, 08:40 -
Zjarr i madh në Kallmet të Lezhës, rrezikohen banesat! Zjarrfikësit në luftë me flakët
28 Gusht, 07:47 -
Zjarri shkrumbon banesa e dhjetëra hektarë pemëtari në Zadrimë! Pamjet me dron nga tokat e djegura (VIDEO)
27 Gusht, 12:07 -
Zjarret në vend/ Mbrojtja Civile publikon të dhënat e fundit: 14 vatra aktive, 6 të tjera u shuan
15 Gusht, 17:46 -
Vijon digjet prej 15 ditësh mali i Valikardhës në Bulqizë, shkrumbohen rreth 50 hektarë pyje ahu dhe pishe
15 Gusht, 09:39 -
Zjarri në masivin pyjor të Lekajt në Lushnjë, digjen 10 ha me shkurre dhe pisha! Vatrat ende aktive
13 Gusht, 08:32 -
Zjarret në vend/ Ministria e Mbrojtjes: 19 vatra janë ende aktive, 9 të tjera u shuan
11 Gusht, 19:16 -
Situata e zjarreve në vend, Ministria e Mbrojtjes: Në 24 orë u raportuan 23 vatra, vetëm 2 janë aktive
11 Korrik, 11:03
