POP 5

Lajmet më të lexuara të 5 minutave të fundit

Politikë

Skandal,marrëveshja PS-PD prek
lirinë e TV private për fushatë
​Editorial-Si një parti unike, që në ditën e parë PD-PS godasin lirinë e media

Nëse ky projektligj që duket haptazi që është një marrëveshje kundër televizioneve private, kalon sot në parlament, PS e PD do të detyrojnë televizionet private të japin falas reklamat për fushatë. Në rast shkelje, TV gjobitet e bllokim transmetimi  VIDEO
Skandal,marrëveshja PS-PD prek<br />lirinë e TV private për fushatë<br />​Editorial-Si një parti unike, që në ditën e parë PD-PS godasin lirinë e media
TIRANE-Skandal, PS dhe PD përgatisin projektligj të veçante ku detyrojnë që reklamat e tyre të transmetohen falas në televizionet private.

Ky projektligj që duket haptazi që është një marrëveshje kundër televizioneve private, kaloi sot në parlament me 118 vota Pro.

Pas kësaj marrëveshja të paprecedentë që buroi nga pakti Rama-Basha, PS e PD do të detyrojnë televizionet private të japin falas reklamat për fushatë.

Marrëveshja mes dy partive të mëdha do të rëndojë mbi kurrizin e televizioneve private duke i detyruar këto me ligj të veçantë që të transmetojnë falas plot 90 minuta reklamat e tyre për gjatë gjithë fushatës elektorale.

Ligji shkon dhe më tej kur ndalon në mënyrë totale cdo reklamë elektorale me pagesë përtej këtij 90 minutëshi.

Drafti, sipas paktit PD-PS parashikon 15 minuta kohë për partitë e vogla parlamentare dhe 10 minuta për ato joparalemntare.

Ky projektligj kthehet kështu në një padrejtësi të hapur për televizionet private, pasi këto të fundit paguajnë taksa për transmetimet e tyre.

Drafti sipas paktit PD-PS parashikon që të përgjysmohet koha televizive e reklamave për partitë e tjera.

Skandali thellohet më tej, pasi Pr/ligji është përgatitur me shpejtësi pa asnjë konsultim paraprak me operatorët televizivë dhe është në kundërshtim të hapur duke shkelur hapur gjithashtu ligjin për mediat të propozuar nga OSBE.

Projektligji për reklamat falas u miratua sot në Kuvend, por skandali vijon pasi deputetët nuk ishin njohur me projektligjet dhe kështu dhe për rastin në fjalë, për pr/ligjin e reklamave falas.

Një tjetër ndryshim në ligj lidhet dhe me faktin që asnjë subjekt politik nuk do mund të vendosë banera e postera më larg se 5 mentra nga zyrat elektorale.

Ja cfarë thotë neni 24/5 i pr/ligjit "PËR DISA SHTESA DHE NDRYSHIME NË LIGJIN NR. 8580, DATË 17.2.2000, “PËR PARTITË POLITIKE”, TË NDRYSHUAR" 

Reduktimi i shpenzimeve të partive politike për reklama politike
1. Pavarësisht përcaktimeve të bëra në Kodin Zgjedhor, gjatë fushatës zgjedhore për zgjedhjet e Kuvendit të vitit 2017, radiot dhe televizionet private kombëtare, vendore apo satelitore, detyrohen që të vendosin në dispozicion falas për subjektet zgjedhore për reklama politike, respektivisht vetëm 90 minuta për partinë më të madhe të shumicës  parlamentare dhe partinë më të madhe të pakicës parlamentare, 45 minuta për partitë e tjera parlamentare dhe 10 minuta për partitë joparlamentare. Partitë politike dhe cdo subjekt tjetër e ka të ndaluar bërjen e reklameve politike kundrejt pagesës gjatë fushatës zgjedhore. Kostoja për vënien e kohës në dispozicion falas subjekteve zgjedhore llogaritet si shpenzim i plotë i zbritshëm për efekte tatimore. Ngarkohet Komisioni Qendror i Zgjedhjeve, Autoriteti i Mediave Audiovizive dhe Ministri i Financave të nxjerrin udhëzimin përkatës.

Ne rast se televizionet kundershtojne apo shkelin kete pike te ligjit, sanksionet jane nga gjoba 40 milione leke deri ne bllokimin e transmetimit per 48 ore

2. Në rast shkeljeje të detyrimeve të parashikuara në paragrafin 1 të këtij neni, apo transmetimit të reklamave politike kundrejt pagesës, Komisioni Qendror i Zgjedhjeve gjobit operatorin radioteleviziv vendor apo satelitor me 4,000,000 lekë, operatorin radioteleviziv kombëtar me 8,000,000 lekë, dhe partinë politike me 3,000,000. Vendimi i Komisionit Qendror të Zgjedhjeve përbën titull ekzekutiv dhe zbatohet nga zyra e përmbarimit gjyqësor. Ankimi ndaj vendimit nuk pezullon ekzekutimin e tij. Në rast shkeljeje, KQZ-ja urdhëron Autoritetit e Mediave Audiovizive të bëjë bllokimin e transmetimit të operatorit radioteleviziv për 48 orë. Bllokimi vendoset jo më vonë se ora 18.00 e ditës pasardhëse.
3. Monitorimi i zbatimit të rregullave të parashikuara në këtë nen, bëhet nga Bordi i Monitorimit të Medias, i cili njofton brenda ditës Komisionin Qendror të Zgjedhjeve, në rast se vlerëson shkelje të detyrimeve të parashikuara në këtë ligj. Komisioni Qendror i Zgjedhjeve, vendos sanksionet sipas pikës 2 brenda 24 orëve, nga momenti i njoftimit nga Bordi i Monistorimit të Medias, apo kërkesës së ndonjë subjekti zgjedhor.”.

ligji medias


  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Me lot në sy, babai i Martinit i bashkohet protestës para Ministrisë së Arsimit (VIDEO)

Me lot në sy, babai i Martinit i bashkohet protestës para Ministrisë së Arsimit (VIDEO)

25 Nëntor, 18:45