Pas sinjalizimit nga Report TV, IKMT pezullon hedhjen e inerteve në Lagunën e Vilunit

Pas sinjalizimit të Report Tv se Inspektoriati Kombëtar i Mbrojtjes së Territorit  po hidhte inertet e aksionit në Velipojë në Lagunën e Vilunit, puna është pezulluar menjëherë.

E kontaktuar nga Report Tv, IKMT pranoi faktin se mbetjet ishin duke u hedhur aty, por tani puna u ndërpre derisa të gjendet një vend tjetër.

Gazetari i Report Tv në Shkodër, Ergys Kavaja tha se Inspektorati Kombëtar i Mbrojtjes së Territorit kishte zbarkuar serish në Velipojë këtë të martë, por kësaj herë jo për të prishur objekte pa leje, por për të pastruar mbetjet e lëne nga aksioni dy ditor i mbajtur disa ditë më parë në plazhin e Velipojë.

Sipas gazetarit mjetet e tonazhit të rëndë, pasi merrnin objektet dhe mbetjet inerte nga hapësira rënore e plazhit, i hidhnin ato pranë Hidrovorit në Lagunën e Vilunit.  

Pas shembjeve të ndërtimeve pa leje në Velipojë, Kryetarja e Bashkisë në Shkodër, Voltana Ademi ka paditur në Prokurori Inspektoriatin Kombëtar të Mbrojtjes së Territorit me akuzën e 'shpërdorimit të detyrës'. Në kallëzimin penal të firmosur nga kryebashkiakja e Shkodrës Voltana Ademi IKMT akuzohet se ka vepruar pa dokument ligjor dhe në shkelje të procedurave.

/b.ha./Shqiptarja.com

TAG:
• voltana ademi
• ndertime pa leje
• IKMT
• Laguna e Viluanit