TIRANË- Drejtuesi i një prej organeve të rëndësishme të sistemit të drejtësisë ushton në të njëjtën kohë aktivitetin privat të avokatit, duke përfaqësuar dhe mbrojtur interesat e klientëve të ndryshëm në drejtësinë ku është vetë pjesë, në këmbim të parave. Kjo është çudia e radhës në drejtësinë shqiptare me protagonist Arben Rakipin, drejtues i Shkollës së Magjistraturës.
Në prill të vitit 2020, Arben Rakipi është caktuar drejtues i komanduar i Shkollës së Magjistraturës, ndërsa është në të njëjtën kohë avokat dhe Përgjegjës i Programit të Formimit Fillestar në institucionin nga i cili dalin prokurorët dhe gjyqtarët e rinj shqiptarë. Në 28 korrik 2020, Këshilli Drejtues i Shkollës së Magjistraturës, emëroi me unanimitet Arben Rakipin, Drejtor të Shkollës së Magjistraturës, për një mandat katërvjeçar.
Ndërkaq, ligji nr. 115/2016 për organet e qeverisjes së sistemit të drejtësisë, në pjesën për Shkollën e Magjistraturës, ndalon që drejtori i Shkollës së Magjistraturës të ushtrojë çdo funksion tjetër, me përjashtim të të mësimdhënies dhe veprimtarive me natyrë shkencore. Konkretisht, pika 3 e nenit 250 të ligjit nr. 115/2016 parashikon që “funksioni i Drejtorit të Shkollës së Magjistraturës është i papajtueshëm me çdo funksion tjetër publik, anëtarësimin në partitë politike apo pjesëmarrjen në veprimtaritë e tyre, ose kryerjen e çdo veprimtarie tjetër fitimprurëse, me përjashtim të mësimdhënies dhe veprimtarive me natyrë shkencore”.
Ligjvënësit, jo rastësisht, e kanë kufizuar veprimtarinë e kreut të Shkollës së Magjistraturës, duke e ndaluar të ushtrojë çdo aktivitet fitimprurës, përfshirë edhe atë të avokatisë, për shkak të interesave të drejtpërdrejta që kanë me Shkollën e Magjistraturës gjyqtarët dhe prokurorët, të cilët kanë në dorë çështjet e klientëve të drejtorit të shkollës si avokat. Të gjithë gjyqtarët e prokurorët janë të detyruar të ndjekin seminaret periodike në Shkollën në Shkollën e Magjistraturës si dhe janë të interesuar për të vlerësime pozitive nga institucioni që drejtohet nga Rakipi. Gjithashtu, sipas ligjit, Rakipi i propozon Këshillit Drejtues kandidatët për pedagogë të jashtëm dhe trajnuesit e programit të formimit vazhdues. Ky lloj aktiviteti i ndihmon gjyqtarët dhe prokurorët që të rriten në karrierë. Po ashtu, shumë gjyqtarë dhe prokurorë janë të interesuar që fëmijët e tyre të pranohen në Shkollën e Magjistraturës për t’u bërë magjistratë.
Megjithatë, në konflikt të dukshëm interesi, gjatë ushtrimit të detyrës së drejtorit të Shkollës së Magjistraturës fillimisht si i komanduar dhe tashmë me mandat të plotë, Arben Rakipi rezulton ortak në mazhorancë me 55 % të aksioneve të zyrës ligjor "Rakipi & partners", me nipt: M01908027N, ku si objekt veprimtarie, ndër të tjera ka edhe ‘përfaqësimin e palëve gjatë proceseve civile, administrative etj.”. Zyra ligjore është themeluar në datë 25/06/2020, pasi Rakipi është komanduar në krye të ‘Magjistraturës’ dhe shumë shpejt ka nisur aktivitetin fitimprurës.
Në 22 korrik 2020, "Rakipi & partners", me avokat pikërisht Arben Rakipin, përfaqëson interesat e kompanisë Tirana International Airport, që menaxhon Aeroportin e Rinasit, me administrator Constantin von Alvensleben, në çështje të ndryshme civile apo penale. Pak javë më parë, Alvensleben, i lakuar për një seri skandalesh si drejtor i TIA-s, u kallëzua penalisht nga administratori i një kompanie që ushtron aktivitet tregtar në ambientet e Tirana Airport, për shkatërrim prone dhe vetëgjyqësi. Rastin e mori në dorë prokurori Kasem Berberi, i cili vendosi "mosfillim të hetimit", duke e konsideruar veprën penale të vetëgjyqësisë si një çështje civile dhe nxjerrë kështu të ‘larë’ klientin e Arben Rakipit.
Administratori gjerman i TIA, Von Alvensleben, është palë edhe në çështje civile në Gjykatën e Apelit të Tiranës. Në këtë procesin gjyqësor, “zgjidhet” si kryesues gjyqtari Asim Vokshi, i cili është trajnues në Shkollën e Magjistraturës, e drejtuar tashmë nga drejtori-avokat, Arben Rakipi. Gjyqtari Vokshi i jep të drejtë klientit të Rakipit, shtetasit gjerman Von Alvensleben, duke i hequr masën e sigurimit të padisë, e cila ishte vendosur më parë ndaj tij. Por, “çudia” nuk mbaron këtu. Gjyqtari Vokshi e rikthen çështjen në shkallë të parë, duke përcaktuar në vendim që rastin duhet ta marrë gjyqtarja e shkallës së parë të Krujës, Engjëllushe Tahiri, e cila po shqyrton çështjen e themelit rezulton se edhe ajo është trajnuese në Shkollën e Magjistraturës.
Gjithashtu, Prokuroria ka rregjistruar një tjetër kallëzim penal nr. 5212 datë 08.05.2020, për Alvensleben, material i cili eshte trajtuar dhe mosfilluar nga prokurori Armand Gurakuqi, i cili për çudi rezulton të jetë caktuar si trajnues në Shkollën e Magjistraturës për vitin 2019-2020.
(Kliko këtu) ekstrakti historik i studios ligjore të Arben Rakipit
Komente
Lajme të tjera
-
Gonzato mesazh magjistratëve: Mbroni reformën në drejtësi, keni të gjithë mbështetjen e BE-së
30 Shtator, 11:00 -
Provimi i Magjistraturës/ Opozita kërkon dëgjesë me Rakipin te ‘Ligjet’! Bushka e PS çon kërkesë për informacion! Rithemelimi: Edhe Padi në SPAK
3 Maj, 15:04 -
Testim te Magjistratura, Rakipi sqaron defektin në korrigjim: Gabim teknik! Problemi më i madh cilësia e ulët e kandidatëve
25 Prill, 11:49
-
Obsesioni i Ilir Metës me Arben Rakipin (disa detaje mbi profilin e juristit)
17 Prill, 21:53 -
Obsesioni i Ilir Metës me Arben Rakipin (disa detaje mbi profilin e juristit)
17 Prill, 11:58 -
Zjarrvëniet/ Balla takim me kreun e ILD-së, i shpreh shqetësimin për gjyqtarët: Japin vendime të lehta për piromanët dhe ata me armë pa leje
2 Gusht 2023, 10:22 -
Momenti pikant i magjistratit, nga diplomimi puth fëmijën, flet për Report Tv: I druhem presionit të krimit e politikës, po s’ma bën syri tërr
3 Tetor 2022, 18:59 -
25-vjetori i shkollës së Magjistraturës! Begaj: Rekrutimi e vlerësimi të kryhet me objektivitet! Kim: Reforma në drejtësi po jep rezultate
3 Tetor 2022, 09:56 -
45 magjistratë të rinj në sistemin e drejtësisë, ambasada e SHBA: Shqiptarët presin nivel të lartë integriteti dhe profesionalizmi! Reforma në drejtësi po përparon
29 Korrik 2022, 18:23 -
Kalojnë me sukses vettingun, 23 gjyqtarë të rinj emërohen në detyrë
25 Korrik 2022, 12:28 -
Wizz air, fluturime nga Tirana drejt Barcelonës e Koln! Ministri Klosi: Në vitin 2022 do të kemi 7 milionë turistë
24 Qershor 2021, 09:14 -
Kompania saudite ‘Flynas’ nis fluturimet me Tiranën! Tre fluturime direkte Riad-Tiranë në javë
15 Qershor 2021, 11:10
Shkelqyeshem. Drejtesia e Re?! Mos u tallni po nuk mjafton vetem reforma por duhet ndryshuar edhe kutura indivuduale dhe mentaliteti. Kjo eshte per te qeshur e per te vene duart ne koke. Po ky Rakipo a e ka kalu vetingun se ka qene hetues i Enver Hoxhes?
PërgjigjuDrejtori i shkolles se magjistratures ,konkretish zoti Rakipi duhet te jete sgembull i zbatimit te ligjit dhe jo te jete ne konflikt interesi ne proceset gjygjesore.Dy rruge ka ; O drejtor ose avokat
PërgjigjuO shkolla o k*rva rakipit po si mi injorante nuk e paska te ndaluar?!! Ai eshte per ne burg me kete skeme korrupsioni qe ka bere. Ligji e ndalon ne menyre taksative. Nuk mundet te beje drejtorin diten dhe naten avokatin!! Po klientet kur do i takoj ai??
PërgjigjuDrejtori i komanduar nuk e ka te ndaluar me ligjin e shkolles qe te mos punoje avokat, sa per emrat e gjyqtareve dhe prokuroreve ata nuk jane te caktuar ne programin e trajnimit fillastar dhe trajnimin vazhdues nga Rakipi
PërgjigjuKy rast nuk eshte i vetmi .E njoh kete qe kur ka qene ne shkollen e magjistratures dhe eshte i pabesueshme.Mjaft fitues te shkolles se magjistratures nuk kaneqene me merite ne vitet 2000 kur ka qene ky edhe idsa te tjerere. Edhe te motrene morri sekretare ne Shkollen e Magjistratures. Vitet 2000 -2008 ndoshta edhe me vone eshte bere kerdine ne shkollen e magjistratures .Pagesa ne ate kohe ka qene 70.000 euro me vone nuk e di.Plus qe edhe si prokuror i pergjitshem ka qene fare i squllet nuk u shqua per asnje gje te hajrit.
PërgjigjuPse nuk e arreston spak per korrupsion kete avokat sekser? Beni si them une mos beni si bej une
Përgjigju