Skandali i Metës me nënshtetësitë/ Hyseni e sfidon hapur: I ka dhënë nëpërmjet takimeve informale! Nëse u ka bërë 419 kërkesa paraprake institucioneve, do t'i kërkoj falje publike

Në studion e emisionit "Repolitix" në Report Tv po diskutohet lidhur me skandalin e nënshtetësisë së presidentit Ilir Meta dhe "kërcënimet" që ky i fundit ka bërë ndaj gazetarit të shqiptarja.com dhe Report Tv Adriatik Doçit, i cili ka investiguar dhe publikuar shkeljet e presidentit. Më konkretisht janë ndalur te rasti i Arsim Fadil Ramadani, i dënuar me 30 vite burg me vendim të formës së prerë, për vrasjen e 5 anëtarëve të një familje, në vitin 2001, i cili është pajisur me nënshtetësi nga Presidenti Ilir Meta, në emër të interesit kombëtar, me dekret numër 11739, datë 22.9.2020.

Deputeti Alket Hyseni duke iu referuar rasteve të parashtruara nga gazetari ka thënë se këto shkelje nga ana e presidentit janë bërë në kuadër të qokave nëpër takime informale dhe në shkelje me ligjin. Por nuk është ndalur me kaq, pasi i ka bërë sfidë të hapur presidentit, duke i thënë se nëse ai provon se ka bërë 419 kërkesa paraprake ndaj institucioneve para se të japë nënshtetësinë, do ti kërkojë atij falje publike.

"Nëse plotësohen kërkesat në përfundim të procesit bëhet akti solemn i dekretimit. Nëse nuk plotësohen kërkesat ka një rast përjashtimi. Nëse ky person përbën interes kombëtar në fushën e shkencës ekonomisë dhe të kulturës e sportit, në këto raste mund ti jepet nënshtetësia duke anashkaluar kriteret përveç njërit. Prandaj bëra një parantezë të parashikimit ligjir. Duke e parë kështu procesin asnjë ligjëvënësi ua kalon institucioneve. Duke qenë se janë një sërë kriteresh nuk mund ti bëjë verfikimet zyra e presidentit mund të kërkojë që të kalohen kriteret por jo procedura e filtrimit.  Jam shqetësuar të kalojë një person ky krimi është një nga aspektet.

Parlamenti sapo ka nisur një procedurë nisur edhe nga një denoncim publik i një gazetari që gjej rastin ta komplimentoj për punën. Smund të them se sa cilësore është por besoj se është përderisa ka nxjerr në pah një fenomen të tillë. Presidenti është në momentet më të vështira.  Unë besoj që verifikimi nuk është bërë sepse unë them edhe sikur formalisht të jetë bërë nga presidenti. Unë nuk kam parë ndonjë provë,por për fenomenin po shprehem qartë, këtë smund ta verifikojë institucioni i presidentit. Është njësoj sikur të them unë dal garant, kjo është bërë përmes qokave, nëpërmjet takimeve informale janë kërkuar ndere të tilla. Mua më shqetëson që presidenti kërkon të arrestohet një gazetar, kjo smë intereson vetëm si politikan por dhe si qytetar", tha Hyseni.

Gazetari i Shqiptarja.com Adriatik Doçi

Kurse gazetari Adriatik Doçi ka parashtruar edhe njëherë faktet e këtij skandali, duke i përmenduar me detaje shkeljet e Metës.

"Nga data 24 korrik 2017 dhe deri në 13 tetor 2020, Presidenti ka dhënë 1754 nënshtetësi, nga të cila 854 nënshtetësi të veçanta, bazuar në pikën 7 të nenit 9 dhe nenit 20 të ligjit nr. 8389,  datë  5.8.1998  “Për shtetësinë shqiptare”. Kam investiguar vetëm procedurat e dhënies së nënshtetësisë me natyralizim, si përjashtim nga ligji. Personazhet janë pajisur me nënshtetësinë shqiptare në emër të interesit shkencor, ekonomik, kulturor dhe kombëtar. Nga 854 nënshtetësi të veçanta, nga verifikimet që kam bërë unë, Presidenti i Republikës Ilir Meta i ka dhënë 419 nënshtetësi me vullnetin e tij, po në emër të interesit kombëtar, pa propozimin e ministrive të linjës. Dyshimet e mia lindën, kur gjatë 10 viteve, 2007-2017, Presidentët e mëparshëm Bamir Topi dhe Bujar Nishani, kishin firmosur dhënien e shtetësisë shqiptare për vetëm 76 persona, në emër të interesit kombëtar dhe pa propozimin e ministrive të linjës.

Në faqen e Presidencës janë vetëm dekretet për lejimin e lënies së shtetësisë dhe jo të dhënies së shtetësisë.  90 % e personave që kanë marrë nënshtetësinë si përjashtim nga ligji dhe si personalitete, nuk janë as shkencëtarë, as sportistë dhe as nuk shquhen në ndonjë fushë të veçantë, për të cilët Shqipëria ka interes. Përkundrazi, kam dokumentuar dy raste që kanë probleme me drejtësinë dhe nuk e nderojnë Shqipërinë.

Rasti i parë është Arsim Fadil Ramadani, i datëlindjes 10 gusht 1981, lindur në Baicë, Kosovë i pajisur me nënshtetësi nga Presidenti Ilir Meta, në emër të interesit kombëtar, me dekret numër 11739, datë 22.9.2020, sipas pikës 7 të nenit 9, dhe nenit 20 të ligjit. Gjeneralitetet e këtij personi përputhen me gjeneralitetet në certifikatën personale që kam siguruar, sot me shtetësi shqiptare. Arsim Fadil Ramadani është dënuar me 30 vite burg me vendim të formës së prerë, për vrasjen e 5 anëtarëve të një familje, në vitin 2001. Tre nga viktimat ishin fëmijë", tha gazetri Doçi mes të tjerash.

Rendit zhvillimet sipas orarit:

Të Fundit Të Parat

/b.ha./Shqiptarja.com

TAG:
• LSI
• PS
• alket hyseni