POP 5

Lajmet më të lexuara të 5 minutave të fundit

Kronikë

Skandali me kreditë e buta, Akuza: 
Kemi gjetur 30 shkelës “të pastrehë”

Skandali me kreditë e buta në të cilin janë përfshirë ish Ministra, Gjyqtarë dhe Prokurorë pritet së shpejti të vërë para përgjegjësisë penale personat që kanë falsifikuar dokumentet. Këtë e konfirmon zyra e shtypit pranë Prokurorisë e kontaktuar nga shqiptarja.com, e cila shprehet se janë identifikuar disa raste kur zyrtarët që kanë marrë kredi si të pastrehë kanë në pronësi 2 deri në 3 apartamente përfshi dhe vila në plazh.  VIDEO
TIRANE -  Skandali me kreditë e buta në të cilin janë përfshirë ish-ministra, gjyqtarë dhe prokurorë pritet së shpejti të vërë para përgjegjësisë penale personat që kanë falsifikuar dokumentet. Këtë e konfirmon zyra e shtypit pranë Prokurorisë e kontaktuar nga Shqiptarja.com, e cila shprehet se janë identifikuar disa raste kur zyrtarët që kanë marrë kredi sit ë pastrehë kanë në pronësi 2 deri në 3 apartamente përfshi dhe vila në plazh.
...
Janë 145 zyrtarë të cilët rezultojnë të jenë favorizuar nga kredia e butë 5 milion lekë dhe interes 4 % nga Enti i Banesave për blerje apartamenti, ligjërisht dokumentet e këtyre zyrtarëve mund të jenë në rregull. Por sa e moralshme është ky favorizim që zyrtarët i bëjnë vetes së tyre? kur kjo kredi mund të shërbente për njerëzit në nevojë apo administratën shtetërore të niveleve të dyta e të treta.

Shqiptarja.com është interesuar pranë prokurorisë se në ç’fazë ndodhen hetimet e këtij kallëzimi të depozituar në 22 janar të 2014. Sipas prokurorisë hetimet për këtë kallëzim janë ende të hapura dhe pritet që brenda muajit shtator të nisin procedimet e para për zyrtarët që kanë mashtruar me dokumentet si të pastrehë.

Po sipas zyrës së shtypit të prokurorisë, oficerët e policisë gjyqësore janë përqendruar tek ato raste ku verifikimet kanë nxjerr në pah jo vetëm falsifikimin e dokumenteve por dhe skandalin se disa zyrtarë kanë në pronësi e bashkëpronësi familjare jo vetëm një apartament por mbi 3 të tilla përfshi dhe shtëpi në plazhe.

Në listën ku Ministrja Gjermeni ka depozituar plotë 145 emra dhe për 30 prej tyre kërkon nga prokuroria hetim të imtësishëm për dokumentacionin e paraqitur nuk mungojnë Ministra, Gjyqtarë, Prokurorë, apo dhe vetë kreu i Shërbimit Informativ Shtetëror.

Të pastrehëve që kanë përfituar kredinë e butë me 4 % nuk mungojnë as gjyqtarët e gjykatës së lartë, ata të apelit Tiranë, Prokurorët apo Zv.Ministrat e qeverisë Berisha.

Redaksia Online
(s.m/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Bulqizë/ 29-vjeçari humb kontrollin e automjetit dhe përplaset me kollonën e mbikalimit, i riu në gjendje të rëndë shëndetësore (EMRI+VIDEO)

Bulqizë/ 29-vjeçari humb kontrollin e automjetit dhe përplaset me kollonën e mbikalimit, i riu në gjendje të rëndë shëndetësore (EMRI+VIDEO)

16 Janar, 16:50