Në video duken dy të rinj që kapin dhe lidhin me litar një person rreth të 62-vjeçarin K.Tafa dhe çdo gjë e filmojnë dhe e hedhin në rrjet tek faqja FB “Jeta osht qejf”.
Ajo që për të moshuarin është tmerr, për të rinjtë e papërgjegjshëm është argëtim. Me litarin e lidhur rreth shpatullave ata e varin në kovën e një eskavatori mbi lumin, ku duket se mjetet e rënda punojnë në një lavatriçe zhavorri. I pafuqishëm ndaj dy të rinjve, 62-vjeçari kërcënon se do të vetëhelmohet në momentin kur ata e mbanin me forcë dhe e lidhnin.
Pamjet pa koment të publikuara në rrjetin social “Jeta osh qef” janë pa koment, por kanë ngjallur irritim e të gjithë komentuesve në rrjetin social
POLICIA: AUTORET: DJALI DHE NIPI
Pas publikimit të videos në faqen Shqiptarja.com policia nisi hetimet dhe mundi të identifikojë në Berat autorët e saj.
Sipas policisë, personi që është lidhur dhe varur është shtetasi K.Tafa., 62 vjeç, banues në fshatin Arrëz të rrethit Berat. Ndërsa personi kryesor që e ka lidhur K.Tafën me litar dhe që sipas të dhënave ka pasur idenë e videos është Neritan Veis Tafa, 42 vjeç, banues në fshatin Arrëz, Berat. Dy personat e tjerë që marrin pjesë në situatën e lartpërmendur janë Danjel dhe Anxhelo Tafa dhe janë djemtë e Neritan Tafës.
Që të tre këta persona kanë lidhje fisnore me 62-vjeçarin K.Tafa.
Sipas policisë, autorët janë të afërmit e personit që varnin dhe në komunikimet e para kanë deklaruar se ishin duke bërë shaka. Policia pritet të marrë në pyetje edhe personin që lidhej për të sqaruar plotësisht ngjarjen, ndërsa ende nuk bëhet e ditur nëse dy autorët janë vënën nën akuzë.
Filmimet, 4.46 minuta janë bërë me celular nga vetë të rinjtë, të cilët këto veprime skandaloze duket se i bëjnë për argëtim. “Kjo nuk është shaka. Kjo nuk është shaka”, përsërit shpesh i moshuari, ndërsa i kërkojnë llogari se pse “i ka sharë”.
CFARE TREGOHET NE PAMJE
E gjithë skena ndodh buzë një lumi, pranë një kantieri ndërtimi që duket se merret me nxjerrjen e inerteve.
Gjatë kësaj kohe djemtë qeshin, ndërkohë që skena ndiqet nga disa persona të tjerë që megjithëse nuk duken në kamera dëgjohen zërat e tyre.
“Mbaje mend po nuk u helmova. Do të pij nga ato ilaçet e qenit”- thotë ai duke iu drejtuar disa personave që ndodhen aty, por nuk duken në kamera.
Pastaj burri i veshur me një bluzë bojëqielli me viza të zeza dhe që mban një kapele të kuqe e tërheq drejt lumit.
Burri i lidhur përpiqet ta ndalojë por nuk mundet. Ndërkohë që djali tjetër, i veshur me xhup ngjyrë jeshile çon eskavatorin drejt bregut të lumit. Të gjitha veprimet shoqërohen me të qeshura, dhe thonë se po e bëjnë pasi burri i mjerë i kishte sharë.
Më pas e lidhin në kovën e eskavatorit dhe e ngrenë lart dhe e drejtojnë nga lumi. E gjitha kjo është skenë qesharake për të rinjtë.
Burri përpiqet ta mbahet në litar. Pasi e lënë në ajër në mes të lumit për gati 1 minutë e nxjerrin në breg dhe i thonë “Do më shash më. Skandali shkon deri aty sa djemtë duan të bëjnë foto me burrin ende të varur në litar.
INDINJATA E KOMENTUESVE
Ka ngjallur shumë indinjatë videoja. Shumë komentues kërkojnë që kjo video t'i dorëzohet policisë e cila të identifikojë përgjegjësit e veprimeve mostruoze dhe nëpërkëmbjes së një 62-vjeçari.
Redaksia online
(e.s/gxh/sg.shqiptarja.com)