Skandali/ Zbardhet vendimi për lirimin e vëllait të Alketa Vejsiut! Prokuroria ndryshoi akuzën për t'i ulur dënimin

Report Tv zbardh të plotë vendimin e Gjykatës së Lezhës që me kërkesë të Prokurorisë liroi nga qelia Endrit Vejsiun, vëllanë e moderatores Alketa Vejsiu, i arrestua një vit më parë me 3 kg kanabis si dhe 4 mina me telekomandë në bagazhin e makinës.

Nga bashkimi i dy veprave penale që rëndojnë mbi Vejsiun, “Prodhimin dhe shitja e narkotikeve”, si dhe “Mbajtja pa leje dhe prodhimi i armëve, armëve shpërthyese dhe municionit”, organi i akuzës kërkoi dënimin me 5 vite burg, që me gjykim të shkurtuar shkon në 3.4 vite heqje lirie. Po ashtu, Prokuroria e Lezhës i kërkoi Gjykatës së këtij rrethi që të pezullojë dënimin me burg për të pandehurin Endrit Vejsiun, duke e çuar në Shërbim Prove për një periudhë kohore prej 5 vitesh, dhe gjatë kësaj kohe të mos kryejë asnjë vepër tjetër penale, të mos përdorë armë, si dhe të mos shoqërohet me persona të dënuar. 

Ndërkohë, në vendimin e Gjykatës së Lezhës, që mban datën 15 Tetor të këtij viti, vërehet se Gjykata ka dhënë një dënim më të ashpër seç ka kërkuar Prokuroria e Lezhës, duke e dënuar Vejsiun me 6 vite burg, e që me uljen e 1/3, dënimi shkon në 4 vite heqje lirie.

Në vendimin e arsyetuar të Gjykatës, thuhet se duke qenë se Endrit Vejsiu ishte i padënuar më parë, Gjykata me kërkesën e Prokurorisë kërkoi pezullimin e dënimit, duke e kaluar nga burgimi në shërbimin e provës.

Skandali me drejtësinë thellohet edhe më tej, kur për këtë çështje, Prokuroria ka ndryshuar edhe një nga veprat penale.

Pretenca e prokurorisë

Fillimisht, pas arrestimit të Vejsiut, policia i referoi materialet me akuzën e “Trafikimit të lëndëve plasëse”, vepër penale kjo e ndryshuar tashmë në atë të “Mbajtja pa leje dhe prodhimi i armëve, armëve shpërthyese dhe municionit”, e parashikuar nga neni 278/5 i Kodit Penal. Në këtë nen thuhet se: Mbajtja e armëve në banesë, pa lejen e organeve kompetente shtetërore, dënohet me burgim nga një deri në pesë vjet.

Një vit më parë, policia e Lezhës njoftoi zyrtarisht se minat me telekomandë Vejsiut iu sekuestruan në bagazhin e makinës, e jo në banesën e tij. Në Kodin Penal, në nenin 278 për prodhimin dhe mbajtjen pa leje të armëve luftarake dhe të municionit, në pikën shtatë thuhet: Mbajtja e armëve, i bombave apo minave, ose lëndëve plasëse në automjete apo në çdo mjet tjetër të motorizuar, në mjedise publike ose në mjedise të hapura për publikun, pa lejen e organeve kompetente shtetërore, dënohet me burgim nga shtatë deri në pesëmbëdhjetë vjet. Në këtë pikë rikujtojmë se është pikërisht kjo vepër penale që akuzohet Vejsiu, pasi minat me telekomandë i janë gjetur në automjet dhe në ambiente publike.

Vendimi i gjykatës

Ndërkaq, në dosjen e Prokurorisë thuhet se “për shkak të njohjeve shoqërore që Vejsiu ka në rrethin e Lezhës me të cilët bashkëpunon në ushtrimin e aktivitetit të tij kriminal, ka kërkuar blerës për të shitur lëndën narkotike si dhe një sasi lënde plasëse të cilën do ta trafikonte nëpërmjet portit të Shëngjinit drejt shtetit Italian.

/G.M./Shqiptarja.com
  • Sondazhi i ditës:

    A duhet të ketë një strategji të re për të përballuar koronavirusin?

Komento

Komente

  • Andi: 23/10/2019 13:05

    Ska problem ben burg motra per kete

    Përgjigju
  • Beni: 23/10/2019 06:12

    Si duket vetingu ka akoma shume pune per te bere mos harroni kryerin e bashkise ne Meksike qe u terhoq zvarre nga zgjedhesit ka ardhur koha qe te votohen edhe prokurore e gjyqtare jo nga parlamenti por nga populli

    Përgjigju
  • Arturi: 22/10/2019 23:11

    Uhat dhe fak, pese faqe vendim!!!!!.....per ta liruar kete kriminel terrorist....hajde zbardhje e vendimit hajde, ky vendim qenka si gazete porno....pasqyron niveli e gjyqtarit të grupit të KÇK.

    Përgjigju
  • XXXxx: 22/10/2019 21:47

    Hajde rrumpalle shtet hajde. Ku pjerdhin kta prokurore e gjyqtare nga vetingu. Po nje avaz vazhdon.

    Përgjigju
  • Pyka: 22/10/2019 17:42

    Ky djali që e ka bërë ka bërë zgjedhjen e tij,por KÇK e prokurorisë dhe e gjykatës çfarë zgjedhje bëri.Turpi eshtë për ata që e kuptojnë.800 anëtaret e KÇKse jane të gjithë njësoj..1-antipopull..2-antishqiptar..3-antikombëtar..Thefshin qafën....

    Përgjigju
  • donela: 22/10/2019 17:00

    Ky pleher,ky kriminel kujton se behen para duke vrare njerez me arme e lende plasese,mos i hengsh ato leke qe fiton monster,kriminel i ndyre,vemje qe nuk punon ne menyre te ndershme e ta fitosh lekun me djersen e ballit.

    Përgjigju
  • Almiri: 22/10/2019 16:50

    Ça ja fut kot dhe kjo gazetare, po çekiçit i bie gjyqtari mos gazetare jo prokurori, keshtu e kemi mesuar ne shkolle te pakten. Krimineli eshte ne ujedi me gjyqtarin dhe sebashke formojne grupin KÇK.

    Përgjigju
    • Sala: 22/10/2019 17:26

      O almiri prokurori i con letrat ne gjykate si te doje ai,dhe pastaj gjykata ne baze te letrave te prok.jep gjykimin

    • Agjenti: 22/10/2019 17:21

      Akuzen ta cakton prokurori.

  • Bardhoku: 22/10/2019 16:44

    E kane pordhos si prokuroria si gjykata......do kene marre nej lek fukarenjt!

    Përgjigju
    • Shoku bardhokut: 22/10/2019 22:20

      Bardhok po ti nga e di se do ken marr lek? Un them kan marr euro ose paund

  • Miti: 22/10/2019 16:38

    Kur te vrasi dhe ky ....nja 5 veta sic vrau i biri i Luiza Xhuvanit, do kujtohen ta fusin ne burg prej verteti.

    Përgjigju


×

Lajmi i fundit

John

42 eurodeputetë kërkesë Presidentit Macron dhe Kryeministrit Rutte për liberalizimin e vizave për Kosovën