Fillon edhe një herë kalvari i vuajtjeve i Mërgim Mavrajt për kërkimin e një klubi të ri. Mbrojtësit të përfaqësueses shqiptare i kanë bërë të ditur se nuk bën pjesë në planet e Aris të Selanikut dhe duhet të fillojë të mendojë se ku do të luajë në pjesën tjetër të sezonit, pasi te grekët, nuk ka vend për të.
Paraqitjet e mbrojtësit shqiptar, të afruar me shumë bujë te Aris, nuk kanë qenë siç pritej dhe presidenti i skuadrës ka vendosur që të fillojë spastrimet e janarit pikërisht duke filluar nga Mavraj. Lajmi qarkullonte prej ditësh në mediat greke, por klubi grek sot ka njoftuar zyrtarisht përfaqësuesit e Mavrajt, Kolasos dhe Vitor se nuk kishin më vend në këtë skuadër dhe do të kërkohej ndërprerja e parakohshme e kontratës me ta.
Sigurisht, nuk do të jetë e lehtë të arrihet në një akord, pasi Mavraj kishte firmosur një marrëveshje 1+1 në klubin grek. Por te Aris shpresojnë që nëpërmjet pagesës së një pjese të kontratës, të ndërpresin marrëveshjen me të. E vështira do të jetë të gjendet një ekip i ri për kapitenin e përfaqësueses shqiptare, pasi pas dështimeve te Hamburgu dhe Aris, pak skuadra do ta presin krahëhapur qendërmbrojtësin./VipSport/
Komente
Lajme të tjera
-
Mavraj drejt transferimit te Partizani: Jam në bisedime
24 Gusht 2022, 14:00 -
Mavraj largohet nga kombëtarja, Duka i prekur: Jam krenar për djem si Mërgimi, por çdo gjë e ka një fund
23 Gusht 2020, 18:16 -
Mavraj njofton largimin nga Kombëtarja: Vitet ndoshta nuk janë shumë, por emocionet po! Njoha veten dhe vendin tim
23 Gusht 2020, 14:50 -
Ana tjetër e një imami, Ahmed Kalaja tregon pasionin për futbollin: Ja cila është skuadra e zemrës! Flet edhe për futbollistët agjërues
29 Prill 2020, 11:06
E ka profffesionin ai. Ka ndonji xhami pa hoxhe ?.
Përgjigju