Dëshëroni një “antipastë” të asaj që ka për të ndodhur me Partinë Demokratike pas datës 11 dhjetor?! Shihni çfarë po ndodh këto orë në Fier, aty ku një ish-kryetar i degës lokale të partisë dhe një turmë militantësh janë përzier në një sherr ndërrimi bravash të derës së (ish)zyrës së tij, të cilat i kishte ndërruar nga ana e tij më parë pasardhësi i komanduar nga Lulzim Basha, pasi ish-kreu Luan Baçi kishte kaluar me Foltoren.
Lufta e bravave mes Luan Baçit dhe Agron Kapllanajt për zyrat e PD Fier, është metafora më e goditur që mund të gjendet për të përshkruar tollovinë dhe tendosjen ekstreme që po përjeton këto orë Partia Demokratike. Dy burra me emër, me një reputacion lokal dhe kostum politik për të ruajtur (njëri prej të cilëve deputet), luftojnë me kaçavida e pinca për t’i marrë zyrat njëri-tjetrit! Parodi më qesharake për një konflikt politik të përmasave kombëtare nuk egziston kurkund!
Është kohë bravash në PD. Doktori e akuzon Bashën për drogën e Toyota Yaris, tjetri replikon se Berisha dhe Meta qëndrojnë pas gjithë problemeve dhe humbjeve që PD ka arshivuar në këto vite. I vjetri ka në dorë prej muajsh bravën e re të zyrës së Lulit, ky i fundit detyrohet të kontrollojë çdo mëngjes nëse mund t’i hapë ose jo dyert në selinë ku drejton. Do të vlejë kjo procedurë sidomos pas 11 dhjetorit, kur në PD do të ketë vërtetë vlerë koncepti i fitimtarit me çelës në xhep, që le jashtë kundërshtarin.
Alegoria e bravave të Fierit është paradhoma e asaj që pritet të rezervojë dhjetori në një parti që tashmë është çarë në dysh faqe shqiptarëve. Në mënyrën më agresive, më të shëmtuar dhe më vetëdemaskuese. Demokratët kanë shkuar drejt e tek klisheja e bravës, vulës dhe shoferit, që ka qenë historikisht “triada” e të fortëve që mbanin partinë, duke mundur sfidantët që mbeteshin në oborr ose të kafja përballë. Në rastin e PD fenomeni është shumë më i dukshëm dhe i shëmtuar, pasi përmasat e tij janë ku e ku më të mëdha se ato të një partie nga ato që mezi u njihet stema.
Që sherri Basha-Berisha do të përfundojë në dyert e gjykatave, kjo duket e qartë ende pa nisur ethet e dy kongreseve. E nëse do të jetë një gjykatë që do të shpallë formalisht fitimtarin, mbetet të shihet nëse çekiçi i drejtësisë do të pasohet ose jo nga një valë ndërrimi bravash. Qysh sot, në forumet më të larta të partisë, debatet janë të tilla që një pjesë e tryezës do të donte me dëshirë t’ja ndërronte bravën e derës së zyrës pjesës tjetër sapo të mbaronte mbledhja.
Brava e Fierit tregon simbolikisht se PD e ka të pamundur tashmë të shërbejë si e njëjta strehë për dy grupimet që janë krijuar pas 9 shtatorit. Berisha dhe Basha nuk rrinë dot më së bashku nën çatinë e SHQUPIT. E tregoi padurimi i Luan Baçit me mandat të skaduar, për të nxjerrë nga zyra pasardhësin e tij. Puna është të shihet cili do të ketë në xhep bravën e fundit. Atë fituesen.
Lajme të tjera
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Qeveria i jep OK kompanisë greko-shqiptare për ndërtimin e termocentralit në Roskovec! Mes përfituesve, edhe Bashkim Ulaj, botues pranë Sali Berishës
18 Dhjetor, 18:22 -
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Fier/ Shpërndante kokainë në doza pranë gjimnazeve, arrestohet 29 vjeçari (EMRI)
18 Dhjetor, 14:40 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12
