41-vjeçar shqiptar Gentian Çipi në Serres të Greqisë është arratisur në mënyrë spektakolare, ndërsa transferohej nga burgu i Nigritës drejt spitalit.

Rreth orës 23:30 të së premtes, automjeti i transportit ndodhej në oborrin e spitalit, konkretisht jashtë repartit psikiatrik. Në atë moment, brenda furgonit ndodheshin i burgosuri dhe dy persona, të cilët i përkisnin shërbimit të jashtëm të sigurisë së burgut.

Në atë çast u shfaqën bashkëpunëtorët e 41-vjeçarit me automjete që ngjanin me ato të policisë. Nga të dhënat e deritanishme nuk rezulton se autorët kishin veshur uniforma policie apo se u paraqitën si pjesëtarë të njësisë speciale të policisë greke (OPKE). Megjithatë, një nga automjetet thuhet se ishte një Nissan Navara, i ngjashëm me automjetet që përdoren edhe nga OPKE-ja, dhe kishte gjithashtu një dritë sinjalizuese të vogël.

Kjo bëri që shoqëruesit e të burgosurit fillimisht të mendonin se bëhej fjalë për policë. Situata ndryshoi brenda pak sekondash, kur personat që ndodheshin në automjet zbritën duke mbajtur kallashnikovë.

Nën kërcënimin e armëve, ata neutralizuan shoqëruesit dhe ndihmuan 41-vjeçarin të arratisej, ndërsa, morën edhe armën e shërbimit të një punonjësi të burgut. Më pas hipën në automjetet e tyre dhe u larguan.

Në momentin e arratisjes, brenda spitalit ndodheshin edhe dy të burgosur të tjerë.

Shqiptari ishte arrestuar vitin e kaluar nga efektivë të Krimit të Organizuar për tentativë vrasjeje në Selanik, pas një incidenti në një kioskë ushqimore. Gjithashtu, dyshohet se kishte qenë i përfshirë edhe në trafik armësh e droge.

Autoritetet kanë nisur kërkimet për 41-vjeçarin dhe për bashkëpunëtorët./Protothema

Rendit zhvillimet sipas orarit:
Ora 20:10
Arratisja spektakolare nga burgu në Greqi, e shkuara kriminale e 41-vjeçarit shqiptar! Ishte arrestuar për tentativë vrasje dhe trafik droge

1789236657_xgydudtuy.JPG

41-vjeçar shqiptar Gentian Çipi në Serres të Greqisë është arratisur në mënyrë spektakolare, ndërsa transferohej nga burgu i Nigritës drejt spitalit.

Teksa operacionet për kapjen e tij dhe bashkëpunëtorëve në arratisjen e tij po vijojnë, mediat greke kanë publikuar foto të shqiptarit dhe kaën nxjerrë të dhëna të reja nga e shkuara e tij kriminale.

I arratisuri 41-vjeçar përshkruhet nga mediat greke si një kriminel mizor dhe i rrezikshëm, dhe sipas informacioneve ai ka qëlluar me armë zjarri më parë në Selanik, në mes të ditës. Ai po vuante dënimin për tentativë vrasjeje dhe trafik droge.

Konkretisht, ai u arrestua shtatorin e kaluar së bashku me dy bashkëkombës të tij, të moshës 24 dhe 31 vjeç, për tentativë vrasjeje kundër një 25-vjeçari, jashtë një mense në zonën e Pylaias të Selanikut. Në të njëjtën kohë, ai dyshohet se është i përfshirë në një organizatë kriminale që ishte aktive në importin dhe trafikimin e drogës.

Në hetimet që pasuan, u gjetën mbi 30 kilogramë kanabis, një kallashnikov, dy pistoleta dhe fishekë.

R.Xh/Shqiptarja.com