Skuadra më e ndjekur në botë s'është në Evropë, lihet pas Dortmundi! Inter 'mbret' në Itali

Në Evropë lista e skuadrave më të ndjekura në stadium është dominuar prej kohësh nga Borussia Dortmund, e cila e mbush "Iduna Park  deri në këndin e fundit në çdo ndeshje.

Në nivel global, gjiganti argjentinas River Plate është në një nivel tjetër dhe për të dytin vit radhazi mund të mburret si klubi me mesataren më të lartë të frekuentimit të tifozëve në ndeshjet e tyre.

Stadiumi ikonë 'Monumental' strehon 84.567 spektatorë pas përmirësimit të fundit dhe në vitin 2024 kapaciteti i këtij stadiumi mbushej praktikisht çdo ndeshje, pasi River kishte mesatarisht 84.025 shikues në ndeshjet e këtij viti.

Barcelona, ​​e cila luajti në 'Montjuic' në vitin 2024 'u zhduk' nga dhjetëshja e parë ndërsa gjigantët gjermanë Dortmund dhe Bayern Munich u rreshtuan pas River Plate. Në Itali është Interi që lë pas "kushërinjtë" e Milanit.

Dhjetë klubet më të ndjekura në botë gjatë 2024 sipas OPTA:

1. River Plate: 84,025 shikues për ndeshje

2. Borussia Dortmund: 81.365

3. Bayern Munich: 75,000

4. Manchester United: 73.845

5. Inter Milan: 72.311

6. Milan: 71.494

7. Real Madrid: 64.728

8. Olimpik Marsejë: 63.492

9. West Ham United: 62.339

10. Roma: 61.770

S.Dh/Shqiptarja.com

TAG:
• Bayern Munchen
• dortmund
• Argjentine
• Inter
• river plate