Duket se nëntori është një moment i artë për sulmuesin e kombëtares shqiptare të futbollit, pasi pas super golit që shënoi në miqësoren përballë Gjeorgjisë, që u dha fitoren kuqezinjve ka shënuar edhe të hënën në kampionatin turk.

Kavajasi ishte vendimtar me golin e shënuar ndaj Gaziantepspor, pasi Istanbul Basaksehir mori tre pikët që e barazojnë me Gallatasarin në kuotën e 22 pikëve në renditje.

Pas ndeshjes duke folur për mediat turke, sulmuesi u shpreh i lumtur për golin e shënuar dhe ngjitjen e ekipit drejt kreut të klasifikimit edhe pse do të jetë shumë e vështirë që të konkurrojnë Gallatasarin, Fenerbacen apo edhe Beshiktashin.