Sondazhi / 75% e punonjësve kanë pasur një histori dashurie në punë

Sondazhi / 75% e punonjësve kanë pasur një histori dashurie në punë

Foto ilustruese

Sipas një sondazhi të kryer nga LiveCareer te 1.100 punonjës, tre nga katër persona kanë pasur një marrëdhënie sentimentale me dikë me të cilin punojnë.

“Në përgjithësi nuk është një ide e mirë.Nëse njerëzit kanë vështirësi të gjejnë të tjerë persona me interesa të ngjashme, eh, po, puna është një vend ku mund t’i gjeni", thotë Brandon Smith, ekspert karriere, i njohur si Workplace Therapist (Terapist në vendin e punës). Por dëshira është e kuptueshme”.

Edhe pse pjesa më e madhe e njerëzve janë të vetëdijshëm për gjithë mënyrat se si mund të marrë fund një histori dashurie në vendin e punës, shumica i pranon.

76% e të intervistuarve tha se nuk ka asgjë të keqe të dalësh me një koleg, kurse 71% deklaroi se nuk ka asgjë të keqe të dalësh me një drejtues. 75% e njerëzve thotë se historitë e dashurisë në vendin e punës shkaktojnë favorizime Historitë e dashurisë në vendin e punës janë të ndërlikuara – 67% e të intervistuarve deklaroi se njeh një koleg i cili ka tradhtuar partneren e tij me një kolege.

Edhe pse asnjë nga të dyja palët nuk ka një marrëdhënie serioze, takimet me një koleg mund të krijojnë tensione.

“Njerëzit nuk qëndrojnë në një punë përgjithmonë. Njerëzit ngrihen në detyrë. Por çfarë ndodh nëse njëri promovohet e tjetri jo? Çfarë ndodh te një çift? Po nëse dikush ngrihet në detyrë nëse del me drejtuesin e tij? Kjo e bën tablonë më pak të qartë”, thotw ai.

Pjesa më e madhe e njerëzve është në gjendje t’i parashikojë këto probleme. Në fakt, 75% e të intervistuarve deklaroi se historitë e dashurisë në punë shkaktojnë favorizime, kurse 74%, humbje në produktivitet.

Atëherë, pse pjesa më e madhe e punonjësve nuk sheh asnjë problem kur del në takim me një drejtues apo koleg? Një arsye mund të jetë optimizmi në gjetjen e një partneri për një kohë të gjatë. Në fund të fundit, 73% e punonjësve thonë se njohin dikë që e ka takuar bashkëshortin/en në vendin e punës.

Këshilla se si të veproni nëse nisni një histori dashurie në zyrë

Nëse synoni të filloni një histori dashurie në pune, duhet të bëni kujdes, si në zyrë edhe jashtë saj.

Smith këshillon:

1- Mbajeni marrëdhënien tuaj jashtë zyrës. Nëse jeni pjesë e të njëjtit departament, kjo është veçanërisht e rëndësishme. “Gjeni mënyrat për të mbajtur distancë nga kolegu juaj” – thotë Smith.

Ju duhet me të vërtetë të hartoni një plan të qartë se si të jeni jashtëzakonisht profesionistë në punë.

2- Flisni për ndarjen. Sigurisht, përpiquni të flisni të paktën për atë çfarë mund të ndodhë në të ardhmen, nëse gjërat nuk funksionojnë. “Nuk është diçka emocionuese, por ndërlikimet në anën tjetër janë më të këqija”, – thotë ai. Monitor

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Eksperti i PD-së: Rënia e Euros rrit çmimet, qeveria të jetë më e kujdesshme me kursi

Eksperti i PD-së: Rënia e Euros rrit çmimet, qeveria të jetë më e kujdesshme me kursi