Sondazhi i Report Tv/ Nëse zgjedhjet mbahen sot, PS parti e parë me 36.3%, por numër i lartë i atyre që nuk shkojnë të votojnë

Nëse zgjedhjet parlamentare, do të mbahen sot më 7 shkurt, Partia Socialiste do të fitonte mandatin e katërt.

Sipas të dhënave të sondazhit të Report Tv, në bashkëpunim me Eduard Zaloshnjën, 36.3% e qytetarëve do të votonin për Partinë Socialiste, shifër kjo në rënie krahasuar me një muaj më parë që ishte 36.8% (janar).

PD e Berishës ka pësuar një rritje të lehtë, të barabartë me rritjen që ka pësuar PD e Bashës.

Qytetarët të pyetur se cilën parti do të votonin nëse zgjedhjet do të zhvilloheshin sot, 14.5% kanë thënë PD e Berishës, e cila pëson një rritje të lehtë 0.5% krahasuar me muajin janar.

Ndërsa 6.6% e qytetarëve të pyetur kanë thënë PD e Bashës, e cila pëson një rritje të lehtë me 0.5% krahasuar me muajin në janar.

Vetëm 2.2 e qytetarëve të pyetur do të votonin për PL-në., krahasuar me 2% që ishin në muajin janar.

Ndërkohë parti tjetër do të votonin 5.1%.

Sakaq sipas të dhënave ka pasur rritje të qytetarëve të pakënaqur me partitë politikë. 36.5% thonë se nuk do të votonin, krahasuar me 36% që ishin në muajin janar

Lajmi kryesor:

Sondazhi në Report Tv/ Nëse zgjedhjet do të mbaheshin sot, 57.1% do të votonin për PS-në! Rritet besimi te drejtësia, 67.1% vlerësim pozitiv për SPAK

M.Q./Shqiptarja.com

TAG:
• sondazhet e report tv