Sonte çmimet e FIFA-s në 'La Scala', Van Dijk, Messi dhe Ronaldo sërish kundër njëri-tjetrit

Në një nga teatrot më të famshëm të botës, në ‘La Scala’ të Milanos, do të organizohet sonte ceremonia e FIFA-s që do të shpërndajë çmimet për më të mirët e sezonit që lamë pas. Në skemën e famshme sonte duke filluar nga ora 20:30 do të shpërndahen një sërë çmimesh, duke filluar nga ai ‘The Best’. Në garë janë mbrojtësi i Liverpool-it Virgil Van Dijk, i cili pak kohë më parë mori edhe çmimin si lojtari më i mirë i UEFA-s.

Dy rivalët e holandezit padiskutim janë Cristiano Ronaldo dhe Lionel Messi-n, me këtë të fundit që do të kandidojë edhe për çmimin Puskas, për golin më të bukur. Messi për këtë çmim do të prezantohet me golin e realizuar kundër Real Betis, ndërsa rivalët e tij do të jenë Quintero dhe Zsori.

Përsa i përket çimit ‘The Best’ në kategorinë e femrave në garë do të jenë dy amerikanet të cilat fituan botërorin Megan Rapino dhe Alex Morgan, ndërsa rivale me ta është edhe futbollistja e Lyon-it Lucy Bronze.

Ndërkohë garë do të ketë edhe ndërmjet trajnerëve, ku më i avantazhuari është Jurgen Kloop, gjermani i cili u shpall kampion Europe me Liverpool-in. Rivalët e tij do të jenë Pep Guardiola dhe Pochetino, të tre trajner në ‘Premier League’.

Ceremoninë në ‘La Scala’ do ta drejtojnë prezantuesja e famshme italiane Ilaria D’Amico, njëkohësisht bashkëshortja e Francesco Totti-t, si dhe Ruud Gulit. Ndërkaq përveç çmimeve do të shpallet edhe formacioni më i mirë i vitit, për të cilin kanë votuar 23 mijë futbollistë anëtarë të FIFPro.

Ne.k./Shqiptarja.com

TAG:
• FIFA
• the best