POP 5

Lajmet më të lexuara të 5 minutave të fundit

Sport

Sonte Europa League/ Në fushë shumë shqiptarë, Napoli i Rrahmanit kundër Legias së Muçit! Spikat Lazio-Marseille

Sonte Europa League rikthehet me xhiron e tretë të fazës së grupeve ku pritet që në fushë të zbresin edhe mjaft futbollistë shqiptarë. Lazio e Hysajt me shokë pret Marsejën, ndërsa Napoli i Rrahmanit përballet me Legian e Muçit dhe Kastratit. Një ndër përballjet më interesante do të jetë edhe ajo mes PSV dhe Monakos.

Pas Championsit sonte është rradha e Europa League, që rezervon përballje tejet interesante për xhiron e tretë të fazës së grupeve. Lazio e Thomas Strakoshës, Elseid Hysajt dhe Vedat Muriqit do të presë në Olimpico Marsejën, me synimin për të marrë të paktën një pikë, por skuadrës së Sarrit i duhet fitore për të mos komplikuar kalimin e grupit.

Po në orën 18:45 spikat Betis-Leverskusen, por edhe Fenerbahche-Antëerp, me turqit që duhet të fitojnë me patjetër.

Në orën 21:00 grupi C rezervon përballjen e shqiptarëve pasi Napoli dhe Legias e Varshavës do vihen kundra njëra-tjetrës. Italianët ku bën pjesë Amir Rrahmani presin në stadiumin ‘Armando Maradona’ polakët e Ernest Muçit, Jurgen Çelhakës dhe Lirim Kastratit, me opsionin e vetëm fitoren. Deri më tani Napoli ka vetëm një pikë në grup, ndërsa Legia ka fituar dy përballjet e para. Pjesë e këtij grupi janë edhe Lokomotiva e Moskës me Leicester, një përballje e zhvilluar një ditë më parë dhe e fituar nga anglezët me shifrat 3-4.

Po sonte në Holandë përballë do të vihen PSV-ja dhe Monaco, dy skuadra që u eliminuan në ‘play-off’ e Champions League. Pas dy ndeshjeve të para si Monaco ashtu edhe PSV udhëheqin grupin me katër pikë dhe kjo do jetë sfidë që përcakton shumë për kreun.

Po sonte luan raundin e tretë edhe Conference League, me Romën dhe Tottenham që janë të predispozuara për të marrë 3 pikët e radhës. Italianët e Jose Muorinhos luajnë në transfertë kundër Bodo Glinit, ndërsa Tottenham udhëton në Holandë për t’u përballur me Vitesse-n.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46