POP 5

Lajmet më të lexuara të 5 minutave të fundit

Sport

Sonte Inter-Atalanta, Superkupa e Italisë 'e veshur me ar'! Arabia Saudite jep 23 mln € për pjesmarrësit

Inter-Atalanta është gjysmëfinalja e parë e Kupës së Italisë, që luhet sonte në Arabinë Saudite. Bergamskët janë përgatitur për hakmarrje ndaj fituesve në fuqi të këtij kompeticioni, por Superkupa gjithashtu sjell edhe të ardhura të majme.

Sonte Inter-Atalanta, Superkupa e Italisë 'e veshur me ar'! Arabia Saudite jep 23 mln € për pjesmarrësit

Inter-Atalanta në Seria A

Inter dhe Atalanta, dy skuadrat më në formë të Seria A, që këtë sezon duket se do të luftojnë për titullin kampion, sonte duke nisur nga ora 20:00 do të përballen për gjysmëfinalen e Kupës së Italisë, që zhvillohet në Riyadh të Arabisë Saudite.

Skuadra e Inzaghit duket më favorite, por Atalanta kërkon të hakmerret për atë humbje 4-0 në fazën e parë të kampionatit dhe për të rikthyer dinjitetin. Për t’ia dalë, Gasperini duhet t’ia bëjë pa sulmuesit Retegui dhe Scamaca, ndërsa Inter nuk ka në dispozicion Acerbin dhe Pavard.

Ky është viti i dytë që Superkupa e Italisë zhvillohet me sistemin e dy gjysmëfinaleve dhe një finaleje, ndërsa gjithashtu për herë të dytë mbahet në Arabinë Saudite. Në rast se 90 minutat nuk do të kenë fitues, finalisti do të përcaktohet me penallti pa shkuar më herët në shtesë.

Gjysmëfinalja tjetër luhet të premten e 3 janarit mes Milanit dhe Juventusit. Përveç trofeut, Superkupa e Italisë në Arabi sjell edhe shumë të ardhura, pasi fituesi merr deri në 8 milionë euro, ndërsa finalisti i mundur 5. Në total arabët shpërndajnë 23 milionë euro nga të cilat 16.2 shkojnë për skuadrat pjesmarrëse.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06